Алмалы, Жиделіарық ауылдық округтері әкімін сайлауда дауыс беру а.ж. 3 шілдесінде жергілікті уақытпен сағат 07:00 де басталады.
Алмалы, Жиделіарық ауылдық округтері бойынша әкім лауазымына 5 кандидат ұсынылған, 1 кандидат «AMANAT» партиясынан, 4 кандидат өзін-өзі ұсынғандар. Барлық кандидаттың сәйкестігі анықталып, тіркелді.
Дауыс беру жергілікті уақытпен сағат 20.00-ге дейін жалғасады.
Ауылдық округтері әкімін сайлауды ұйымдастырып өткізуге 2 сайлау учаскесі, учаскелік сайлау комиссияларының 12 мүшесі және аумақтық сайлау комиссиясының 7 мүшесі тартылған.
Тізімге енгізілген сайлаушылар саны – 1773 адамды құрайды.
Тіркелген кандидаттардың сапалық құрамы:
Тіркелген 5 кандидат: 1 – қызметтегі ауылдық округ әкімі, 2 – мемлекеттік қызметші, 1 – азаматтық қызметші, 1 - жұмыссыз.
Кандидаттардың барлығы – ер адамдар.
Кандидаттардың ешбірінің ғылыми дәрежесі жоқ, «Болашақ» бағдарламасының түлегі болып табылмайды.
Мамандықтар бөлінісі бойынша: заңгер – 4 (80,0%), мемлекеттік жергілікті басқару – 1 (20,0%)
Кандидаттардың орта жасы - 39, ең жасы – 33 жаста, егделісі – 48 жаста.
Кандидаттардың барлығының ұлты қазақ.
Сайлау учаскелерінде кандидаттар туралы ақпараттық плакаттар, комиссия құрамдары, жоғары тұрған комиссия, сот, прокуратура органдарының телефондары туралы қажетті ақпараттар, УСК қаулыларымен бекітілген дауыс беруге арналған үй-жайдағы тәртіп ережелері бар стендтер ілінген.
Сайлау комиссиялары сайлауды өткізуге дайын.