Шиелі ауданының Ақтоған және
Қоғалы ауылдық округтерінің әкімдерін
сайлау жөнінде сайлау округтерін құру туралы
«Қазақстан Республикасындағы сайлау туралы» Қазақстан Республикасының Конституциялық заңының 14-бабының 6) тармақшасына сәйкес және 21-бабының 4-тармағының, 22-бабының негіздерінде Шиелі аудандық сайлау комиссиясы ҚАУЛЫ ЕТЕДІ:
- Шиелі ауданының Ақтоған ауылдық округі шекарасында Ақтоған ауылдық округінің әкімін сайлау жөнінде сайлау округі және Қоғалы ауылдық округі шекарасында Қоғалы ауылдық округінің әкімін сайлау жөнінде сайлау округі құрылсын.
- Шиелі ауданының Ақтоған және Қоғалы ауылдық округтерінің әкімдерін сайлау жөнінде сайлау округтерінің тізімі олардың шекарасы мен аумақтық сайлау комиссиясының орналасқан жері көрсетіліп, Шиелі аудандық сайлау комиссиясының интернет-парағында және жергілікті бұқаралық ақпарат құралында жариялансын.
Шиелі аудандық сайлау
комиссиясының төрағасы М. Дулатов
Шиелі аудандық сайлау
комиссиясының хатшысы Э. Бурабаева
29.04.2022 ж.
АСК-03/80