Мүгедектер қатарындағы кемтар балаларды жеке оқыту жоспары бойынша үйде оқытуға жұмсалған шығындарды өндіріп алу мөлшері мен тәртібін айқындау туралы
Шиелі аудандық мәслихаты ШЕШТІ:
- Мүгедектер қатарындағы кемтар балаларды (бұдан әрі-кемтар балалар) жеке оқыту жоспары бойынша кемтар балаларын үйде оқытуға жұмсалған шығындарын өндіріп алу (бұдан әрі- оқытуға жұмсалған шығындарды өндіріп алу) мөлшері ай сайын әр кемтар балаға үш айлық есептік көрсеткіш мөлшерінде айқындалсын.
- Оқытуға жұмсалған шығындарды өндіріп алу «Шиелі аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі» коммуналдық мемлекеттік мекемесі (бұдан әрі-уәкілетті орган) өтініші берген айдан бастап тиісті оқу кезеңінде аудан бюджеті қаражаты есебінен тоқсан сайын жүзеге асырылады.
- Оқытуға жұмсалған шығындарын өндіріп алу үйде оқытылатын кемтар балалардың ата-аналарына және өзге де заңды өкілдеріне (бұдан әрі- көрсетілетін қызметті алушылар) көрсетіледі.
- Оқытуға жұмсалған шығындарын өндіріп алу өтінішті қабылдау және мемлекеттік қызметті көрсету нәтижесін беру Қазақстан Республикасының Еңбек және халықты әлеуметтік қорғау министірінің 2021 жылғы 25 наурыздағы «Әлеуметтік-еңбек саласында мемлекеттік қызметтерді көрсетудің кейбір мәселелері туралы» №84 бұйрығының 3-қосымшасымен “Мүгедек балаларды үйде оқытуға жұмсалған шығындарды өтеу” мемлекеттік қызметін көрсету қағидасына (бұдан әрі-Қағида) сәйкес жүзеге асырылады.
- Көрсетілетін қызметті алушы (не нотариат куәландырған сенім хат бойынша оның өкілі) жүгінген кезде мемлекеттік қызметті көрсету үшін Қағиданың 3-қосымшасының 8 бөлігінде көрсетілген құжаттарды ұсынады.
- Шығындарды өтеу кемтар балаларға:
1) он сегіз жасқа толғанда;
2) қайтыс болғанда;
3) мүгедектігін алып тастағанды;
4) интернат-үйі немесе санаторлық мектепте оқып жатқан кезеңінде;
5) психологиялық-медициналық-педогогикалық кеңес қорытындысының мерзімі аяқталғанда;
6) Шиелі ауданының шегінен тыс тұрақты тұрғылықты жерге кеткенде тоқтатылады.
- Осы бұйрықтың 9 қосымшасына сәйкес Шиелі аудандық мәслихатының 2018 жылғы «Мүгедектер қатарындағы кемтар балаларды жеке оқыту жоспары бойынша үйде оқытуға жұмсалған шығындарды өндіріп алу мөлшері мен тәртібін айқындау туралы» №29/16 шешімінің күші жойылсын деп танылсын.
- Осы шешім оның алғашқы ресми жарияланған күнінен бастап қолданысқа енгізіледі.
Лауазымы Аты-жөні
«КЕЛІСІЛДІ»
«Қызылорда облысының жұмыспен
Қамтуды үйлестіру және әлеуметтік
бағдарламалар басқармасы»
мемлекеттік мекемесімен