Бәйгеқұм ауылдық округі әкімінің сайлауын тағайындау туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы №148 Заңының 36 және 36-1 баптарын басшылыққа алып, өкілеттік мерзімі 2021 жылдың 15 сәуірде тоқтатылған Бәйгеқұм ауылдық округі әкімінің сайлауын өткізуге байланысты, Шиелі аудандық сайлау комиссиясы ҚАУЛЫ ЕТЕДІ:Бәйгеқұм ауылдық округі әкімінің сайлауы 2021 жылғы 26 мамырға тағайындалсын.
Әкімдікке кандидаттарды ұсыну 2021 жылдың 26 сәуірінде басталып, 1 мамырында аяқталсын. Кандидаттарды тіркеу барлық құжаттар алынғаннан кейін дауыс беруге 15 күн қалғанда 2021 жылғы 11 мамырда аяқталатын болып белгіленсін.
- Осы қаулы жергілікті баспасөзде жарияланатын болсын.
Комиссия төрағасы М.Дулатов
Комиссия хатшысы Э.Бурабаева
2021 жылғы 19 сәуір №АСК-03/48