Аудан бойынша электр жарығын пайдаланып отырған жалпы 17545 тұтынушы бар, оның ішінде 15951 жеке тұлға, 1594 заңды тұлға. Аудан тұрғындарына «ҚЭТТК» АҚ Шиелі аудандық электр тарату торабы мекемесі қызмет көрсетеді. 2018 жылдың қазан айынан бастап «АСПМК-519» ЖШС-гі Шиелі кенті, Жахаев, Байсын елді мекендері бойынша 0,4 кВ әуе желілерін жаңарту жұмыстарын «Қызылорда Электр Тарату Торабы Компаниясы» Акционерлік Қоғамы тарапынан «Европалық дамыту және жаңарту банкінен» несие алу арқылы жүргізілуде. Шиелі кенті, Жахаев, Байсын елді мекендері бойынша 85,128 шақырым 0,4 кВ әуе желісін жаңарту, 18 дана 10/0,4 кВ қосалқы станциялары ауыстырылуда. Қазіргі таңда құрылыс жұмыстары жүргізілуде.