Облыстың медиа кеңістігінде 2020 жылы 101 бұқаралық ақпарат құралдары жұмыс жасауда. Оның ішінде электронды 8, ақпараттық агенттік 3, интернет сайттар 3, баспа БАҚ 87.
Тақырыптық бағытты талдаудың нәтижесі бойынша БАҚ-тың 30% қоғамдық-саяси, 30% ақпараттық және ақпараттық-танымдық, 45% өзге де тақырыптық бағыттарда ақпарат таратады.
Интернет желісінде 18 БАҚ-тың веб-нұсқасы бар (жергілікті «Qyzylorda», «Қоғам ТВ» телеарналары, «Сыр бойы», «Кызылординские вести», «Ақмешіт жастары», «Ақмешіт апталығы», «Ұстаз мәртебесі», «Ақмешіт ақшамы», «Халық» облыстық газеттері, «Толқын», «Қазалы», «Қармақшы таңы», «Жалағаш жаршысы», «Тіршілік тынысы», «Өскен өңір», «Жаңақорған тынысы» аудандық газеттері «Әлімсақ» журналы).
Аймақта мемлекеттік ақпараттық саясатты жүзеге асыру мақсатында жыл сайын «Облысымыздың әлеуметтік-экономикалық, қоғамдық-саяси жағдайын ақпараттық сүйемелдеу жөніндегі Бас медиа-жоспары» бекітіледі. Аталмыш Медиа-жоспар өңіріміздегі барлық маңызды салаларды ақпараттандыруға бағытталған.
2020 жылғы І тоқсанда 70 брифинг, 7 баспасөз туры облыстық «Qyzylorda» телеарнасының «Өзекжарды» бағдарламасынан 2020 жылғы I тоқсанда 10 тікелей эфирдегі сұхбат өткізілген.
Сондай-ақ, бүгінгі таңда тұрғындарды ұлттық цифрлық телехабар тарату қызметіне қосу бойынша жұмыстар жүргізілуде. «Қазтелерадио» АҚ мәліметі бойынша, бүгінгі күні облыс бойынша 130 215 абонент ұлттық цифрлық телехабар тарату қызметіне қосылған. Бұл меженің 92%-ын құрайды.