Өңірдегі этносаралық ахуал
2020 жыл көлемінде Қызылорда облысында этносаралық саладағы ахуал және этностық топтар арасындағы өзара қарым-қатынас тұрақты әрі қалыпты деңгейде сақталды. Этникалық белгілеріне сәйкес кикілжіңдер тіркелген жоқ.
Жыл басындағы статистикалық ақпаратқа сүйенсек, облыс халқының 96,3% қазақ ұлтынан, 3,7% – түрлі 35 этностық топтан құралады.Этностық топтардың басым көпшілігі Қызылорда және Байқоңыр қалаларында тұрғылықты мекен етеді (2,67%). Сондай-ақ Қармақшы ауданына қарасты ІІІ Интернационал ауылында түрік этносының өкілдері ықшам орналасқан. Жалпы ауылда 2 464 тұрғын тіркелсе, оның ішінде 1 116 адам – түрік этносының өкілдері (45,3%). Қалған елдімекендер негізінен моноұлттық сипатқа ие.
Облыстық ҚХА құрылымдарының қызметі
Мемлекеттік этносаясатты жүзеге асыруда облыстық ҚХА құрамында 11 этномәдени бірлестіктер, аудандарда 6 этнобағытталған үкіметтік емес ұйымдар және 9 қоғамдық құрылым жұмыс атқарады. Сонымен қатар Қорқыт Ата атындағы ҚМУ-нің «Тарих және Қазақстан халқы Ассамблеясы» кафедрасымен тығыз әріптестік байланыс орнатылған.Қоғамдық келісім мен жалпыұлттық бірлікті насихаттау бойынша Қазақстан халқы Ассамблеясының 25 жылдығына арналған 75 тармақтан тұратын облыстық іс-шаралар жоспары бекітіліп, жүзеге асырылды.Рухани жаңғыру бағдарламасы аясында «Қайырымдылық керуені» акциясы, «Сыр өңірі – бейбітшілік пен келісім мекені» этномәдени бірлестіктердің мәдени күндері және «Қазақтану» мәдени-ағартушылық жобалары жүргізілді.Коронавирус індеті салдарынан енгізілген карантиндік шектеулерге байланысты наурыз айынан бастап барлық іс-шаралар онлайн форматқа көшірілді.Жылдың қорытындысы бойынша облыстық Ассамблеяның ұйымдастыруымен және бастамасымен түрлі форматтағы 318 іс-шара өткізіліп, онда 17 154 адам (онлайн аудитория) қамтылды.Оның ішінде облыстық Қоғамдық келісім кеңесі 3 отырыс өткізді.
Ғылыми-сарапшылық топ мүшелерінің қатысуымен офлайн және онлайн форматта 26 іс-шара өткізілді.
Қазақстандық этносаралық қатынастарды және қоғамдық бірегейлікті сақтау мақсатында 32 ғылыми жұмыстар және мақалалар жарияланды.
Жыл көлемінде ғылыми-сарапшылық топ мүшелерінің «Тұңғыш Президент жолымен» халықтық экспедициясы» жобасы, Қазақстан халқының бірлігі мерекесі, Саяси қуғын-сүргін және ашаршылық құрбандарын еске алу және Конституция күні және т.б. іс-шараларға орай 13 онлайн лекторийлері ұйымдастырылды.
ҚР Тұңғыш Президенті күніне орай облыстық ҚХА және «Рухани жаңғыру» орталығының бастамасымен «Тұңғыш Президент және Тәуелсіз Қазақстан: Тарих. Бүгін. Болашақ» тақырыбында республикалық ғылыми-тәжірибелік конференциясы өтті.
Медиация бағыты бойынша өңірде 615 қоғамдық медиатор тіркелген. Оның ішінде облыстық ҚХА-мен бірлесіп жұмыс атқаратын 42 қоғамдық медиатордың тізімі жасақталды.
2020 жылы медиация институтын насихаттауға арналған барлығы 88 түрлі форматты іс-шаралар ұйымдастырылса, аталмыш шараларға 2600-ден астам тұрғын қамтылды.
Облыстық ҚХА құрылымдары, ЭМБ белсенділері 98 жалғызбасты жанға және 88 мұқтаж отбасына, ауруханаларға 14 млн. тг. көлемінде қайырымдылық көмек көрсетті. Оның ішінде, азық-түлік себеттерін үлестіру, дәрі-дәрмек, жанар-жағармай, ИВЛ аппаратын сатып алып беру және киім-кешек, тұрмыстық қажетті заттармен қамтамасыз ету шаралары жүргізілді.Барлық мерекелік және этномәдени бірлестіктердің, сондай-ақ мәдени-ағартушылық жобалардың іс-шаралары бұқаралық ақпарат құралдары мен әлеуметтік желілерде жүйелі түрде ақпараттандырылуда.YouTube видеохостингінің «Сыр бірлігі» каналында есепті кезеңге дейін облыстық ҚХА бастамасымен әзірленген 250 бейнеролик орналастырылды. Сондай-ақ республикалық және облыстық бұқаралық ақпарат құралдарында 784 материал, әлеуметтік желілердегі ресми парақшаларда 417 бейнеролик, 1489 жариялым жарық көрді.