Облыстың медиа кеңістігінде 150 (13 мемлекеттік, 137 тәуелсіз) бұқаралық ақпарат құралдары жұмыс жасауда.
Оның ішінде 120 баспа БАҚ, 27 интернет-сайттар мен ақпараттық агенттіктер, 3 телеарна. Олардың 138-і облыстық, 2-еуі қалалық, 10-ы аудандық деңгейде ақпараттық таратушылар. Аймақтың бұқаралық ақпарат құралдарының тек 1-еуі орыс тілінде ақпарат жариялайды, 5-еуі мемлекеттік және орыс тілдерінде, 143-сі мемлекеттік тілде ақпарат таратады.
2025 жылға мемлекеттік ақпараттық саясатты жүзеге асыру қызметіне лимит шегінде 975 733,0 мың теңге бөлініп, оған 95 келісім-шарт жасалды.
«Өңірлік коммуникациялар қызметі» КММ-нің алаңында 2025 жылдың басынан бері 261 баспасөз іс-шарасы ұйымдастырылып, БАҚ өкілдерімен 20 баспасөз туры, 18 көшпелі брифинг өтті.
Ашықтықты қамтамасыз ету мақсатында «Ашық диалог» egov.kz порталында Қызылорда облысы әкімінің қатысумен онлайн режимінде түрлі тақырыптарда интернет-конференциялар ұйымдастырылады. Жыл басынан бері 8 интернет-конференция және 8 сауалнама ұйымдастырылды. Интернет-конференцияда 26 сұрақ келіп түсіп, барлығына онлайн режимде уақытылы жауап берілді.