Қызылорда облысы бойынша мемлекеттік ақпараттық саясатты жүргізу жөніндегі мемлекеттік тапсырысты жүзеге асыру үшін сатып алынатын қызметтердің құнын айқындау әдістемесін бекіту туралы

Қызылорда облысы бойынша мемлекеттік ақпараттық саясатты жүргізу жөніндегі мемлекеттік тапсырысты жүзеге асыру үшін сатып алынатын қызметтердің құнын айқындау әдістемесін бекіту туралы

«Масс-медиа туралы» Қазақстан Республикасы Заңының 8-бабы 2-тармағының 3) тармақшасына, «Өңірлік деңгейде мемлекеттік ақпараттық саясатты жүргізу жөніндегі мемлекеттік тапсырысты жүзеге асыру үшін сатып алынатын көрсетілетін қызметтердің құнын айқындаудың үлгілік әдістемесін бекіту туралы» Қазақстан Республикасы Мәдениет және ақпарат министрінің міндетін атқарушысының 2024 жылғы 6 қарашадағы № 525-НҚ бұйрығына (Нормативтік құқықтық актілерді мемлекеттік тіркеу тізілімінде № 35356 болып тіркелген) сәйкес Қызылорда облысының әкімдігі ҚАУЛЫ ЕТЕДІ:

1. Қоса беріліп отырған Қызылорда облысы бойынша мемлекеттік ақпараттық саясатты жүргізу жөніндегі мемлекеттік тапсырысты жүзеге асыру үшін сатып алынатын қызметтердің құнын айқындау әдістемесі бекітілсін.
2. Осы қаулының орындалуын бақылау Қызылорда облысы әкімінің жетекшілік ететін орынбасарына жүктелсін.
3. Осы қаулы оның алғашқы ресми жарияланған күнінен кейін он күнтізбелік күн өткен соң қолданысқа енгізіледі.

 

Қызылорда облысының                 әкімі

Н. Нәлібаев

 

 

 

Қызылорда облысы әкімдігінің

2025 жылғы «___» ___________ №____ қаулысына

қосымша

 

Қызылорда облысы бойынша мемлекеттік ақпараттық саясатты жүргізу жөніндегі мемлекеттік тапсырысты жүзеге асыру үшін сатып алынатын қызметтердің құнын айқындау әдістемесі

 

1. Осы Қызылорда облысы бойынша мемлекеттік ақпараттық саясатты жүргізу жөніндегі мемлекеттік тапсырысты жүзеге асыру үшін сатып алынатын қызметтердің құнын айқындау әдістемесі (бұдан әрі – Әдістеме) «Масс-медиа туралы» Қазақстан Республикасы Заңының 8-бабы 2-тармағының
   3) тармақшасына сәйкес әзірленді және өңірлік деңгейде бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің құнын айқындау алгоритмін белгілейді.
2. Өңірлік деңгейде мемлекеттік ақпараттық саясатты жүргізу жөніндегі мемлекеттік тапсырысты жүзеге асыру үшін сатып алынатын көрсетілетін қызметтердің құны (бұдан әрі – көрсетілетін қызмет) бұқаралық ақпарат құралдарының көрсетілетін қызметінің әрбір жеке түрі үшін жергілікті бюджет қаражаты есебінен бұқаралық ақпарат құралдарында мемлекеттік ақпараттық саясатты жүргізу үшін сатып алынатын көрсетілетін қызметтердің базалық бағасына қарай айқындалады.
3. Көрсетілетін қызметтің әрбір жеке түрі бойынша базалық бағасы осы Әдістемеге қосымшаға сәйкес айқындалады.
4. Мерзімді баспасөз басылымдарында көрсетілетін қызметтің құны мынадай формула бойынша айқындалады:

1) газеттер үшін Pn=Bn x V x Kq формуласы бойынша, онда:

Pn (price) – қосылған құн салығын ескере отырып, газеттерде көрсетілетін қызметтің құны;

Bn – газетте орналастырылатын, бір см2 көрсетілетін қызметтің базалық бағасы;

V – газетте орналастырылатын, см2-мен есептелетін көрсетілетін қызметтің көлемі;

Kq – газет таралымына түзету коэффициенті:

200 000 данаға дейін – 1,3;

100 000 данаға дейін – 1,15;

50 000 данаға дейін – 1;

30 000 данаға дейін – 0,9;

20 000 данаға дейін – 0,8;

10 000 данаға дейін – 0,65;

5 000 данаға дейін – 0,5;

2) журналдар үшін Pm=Bm x V x Kq формуласы бойынша, онда:

Pm (price) – қосылған құн салығын ескере отырып, журналдарда көрсетілетін қызметтің құны;

Bm – журналда орналастырылатын, бір см2 көрсетілетін қызмет үшін базалық баға;

V – журналда орналастырылатын, см2-мен есептелетін көрсетілетін қызметтің көлемі;

Kq – журнал таралымына түзету коэффициенті:

15 000 данаға дейін – 1,2;

10 000 данаға дейін – 1,1;

8 000 данаға дейін – 1;

5 000 данаға дейін – 0,9;

3 000 данаға дейін – 0,8;

1 000 данаға дейін – 0,7.

5. Интернет-ресурстағы көрсетілетін қызметтің құны Pi=Bi x V x Kq формуласы бойынша айқындалады, онда:

Pi (price) – қосылған құн салығын ескере отырып, интернет-ресурстағы көрсетілетін қызметтің құны;

Bi – интернет-ресурста орналастырылатын көрсетілетін қызметтің бір таңбасының, секундының, минутының, данасының базалық бағасы;

V – интернет-ресурста орналастырылатын көрсетілетін қызметтің символдармен, секундтармен, минуттармен, даналармен есептелетін көлемі;

Kq – бірегей пайдаланушылардың интернет-ресурсқа кіруінің орташа айлық санын есепке алуға арналған түзету коэффиценті:

айына 500 000 кірушіге дейін – 1;

айына 1 000 000 кірушіге дейін – 1,1;

айына 2 000 000 кірушіге дейін – 1,2;

айына 5 000 000 кірушіге дейін – 1,3;

айына 5 000 000 кірушіден астам – 1,4.

6. Телевидениеде көрсетілетін қызметтің құны Ptv=Btv x V формуласы бойынша айқындалады, онда:

Ptv (price) – қосылған құн салығын ескере отырып, телевидениеде көрсетілетін қызметтің құны;

Btv – телевидениеде орналастырылатын көрсетілетін қызметтердің бір секундінің, минутының, сериясының базалық бағасы;

V – телевидениеде орналастырылатын, секундтармен, минуттармен, сериялармен есептелетін көрсетілетін қызметтің көлемі.

Егер өңірлік деңгейде мемлекеттік ақпараттық саясатты жүргізу жөніндегі мемлекеттік тапсырысты қалыптастыру кезінде телевидениеде көрсетілетін қызметтерді жанрлар бойынша бөлу ескерілмеген жағдайда, телевидениеде көрсетілетін қызметтердің құны базалық баға (Btv) бойынша есептеледі.

7. Радиоарнада көрсетілетін қызметтің құны Pr=Br x V формуласы бойынша айқындалады, онда:

Pr (price) – қосылған құн салығын ескере отырып, радиоарнада көрсетілетін қызметтің құны;

Br – радиоарнада көрсетілетін қызметтердің бір секундының, минутының базалық бағасы;

V – радиоарнада орналастырылатын, көрсетілетін қызметтің секундтармен, минуттармен есептелетін көлемі.

 

                                                                                                 Қызылорда облысы бойынша мемлекеттік ақпараттық саясатты                 

                                                                                                 жүргізу жөніндегі мемлекеттік тапсырысты жүзеге асыру үшін         

                                                                                                 сатып алынатын қызметтердің  құнын айқындау әдістемесіне

                                                                                                 қосымша      

                                                            

 

Қызылорда облысы бойынша мемлекеттік ақпараттық саясатты жүргізу жөніндегі мемлекеттік тапсырысты жүзеге асыру үшін сатып алынатын қызметтердің базалық бағасы

 

№	Қызметтердің атауы	Өлшем бірлігі	2025 жыл (теңге)	2026 жыл (теңге)	2027 жыл (теңге)
1.	Қазақстан Республикасының аумағында таратылатын баспа басылымдарында (газет) көрсетілетін қызмет (ақпараттық материалды дайындау және орналастыру)  (Bn)	шаршы сантиметр	1 000	1 050	1 103
2.	Қызылорда облысының аумағында таратылатын баспа басылымдарында (газет) көрсетілетін қызмет (ақпараттық материалды дайындау және орналастыру)  (Bn)	шаршы сантиметр	250	263	276
3.	Қызылорда қаласы мен Қызылорда облысы аудандарының аумағында таратылатын баспа басылымдарында (газет) көрсетілетін қызмет (ақпараттық материалды дайындау және орналастыру)  (Bn)	шаршы сантиметр	200	210	221
4.	Қызылорда облысының аумағында таратылатын баспа басылымдарында (журнал) көрсетілетін қызмет (ақпараттық материалды дайындау және орналастыру)  (Bm)	шаршы сантиметр	350	368	386
5.	Республикалық маңызы бар мәселелерді жариялайтын интернет-ресурстарында көрсетілетін қызмет (ақпараттық материалды дайындау және орналастыру)  (Bi)	символ	200	210	221
6.	Өңірлік маңызы бар  мәселелерді жариялайтын интернет-ресурстарында көрсетілетін қызмет (ақпараттық материалды дайындау және орналастыру) (Bi)	символ	15	16	17
7.	Қазақстан Республикасының аумағында таратылатын міндетті теле-, радиоарналар тізбесіне кіретін телеарналарда көрсетілетін қызмет (ток-шоу, бағдарламалар өндіру және орналастыру)  (Btv)	минут	51 266	53 829	56 520
8.	Қазақстан Республикасының аумағында таратылатын міндетті теле-, радиоарналар тізбесіне кіретін телеарналарда көрсетілетін қызмет (жаңалықтар сюжеттерін өндіру және орналастыру)  (Btv)	минут	610 000	640 500	672 525
9.	Қазақстан Республикасының аумағында таратылатын міндетті теле-, радиоарналар тізбесіне кіретін телеарналарда көрсетілетін қызмет (деректі фильмдер өндіру және орналастыру)  (Btv)	минут	220 500	231 525	243 101
10.	Міндетті теле-, радиоарналардың тізбесіне кіретін телеарналарды қоспағанда, Қызылорда облысы және Қызылорда қаласы аумағында телерадио хабарларын таратудың ұлттық операторы тарататын еркін қолжетімді теле-, радиоарналардың тізбесіне кіретін телеарналарда көрсетілетін қызмет (ток-шоу, ойын-сауықшоу, жаңалықтар сюжеттері, деректі фильмдер, телевизиялық бағдарламаларды өндіру және орналастыру)  (Btv)	минут	33 600	35 280	37 044
11.	Міндетті теле-, радиоарналардың тізбесіне кіретін телеарналарды қоспағанда, Қызылорда облысы аудандарының аумағында телерадио хабарларын таратудың ұлттық операторы тарататын еркін қолжетімді теле-, радиоарналардың тізбесіне кіретін телеарналарда көрсетілетін қызмет (ток-шоу, ойын-сауық шоу, жаңалықтар сюжеттері, деректі фильмдер, телевизиялық бағдарламаларды өндіру және орналастыру)  (Btv)	минут	78 400	82 320	86 436
12.	Міндетті теле-, радиоарналардың тізбесіне кіретін телеарналарды қоспағанда, Қызылорда облысының аумағында телерадио хабарларын таратудың ұлттық операторы тарататын еркін қолжетімді теле-, радиоарналардың тізбесіне кіретін телеарналарда көрсетілетін қызмет (бейнероликтер өндіру және орналастыру)  (Btv)	минут	5 000	5 250	5 513
13.	Қазақстан Республикасы аумағында таратылатын радиода көрсетілетін қызмет (ақпараттық бағдарламаларды өндіру және орналастыру) (Br)	минут	17 500	18 375	19 294

 

Дата публикации

24 июля 2025