2023 жылғы ІІІ тоқсан есебі
Облыстың медиа кеңістігінде 148 бұқаралық ақпарат құралдары жұмыс жасауда.
«Өңірлік коммуникациялар қызметі» КММ алаңында 2023 жылдың басынан бері 264 брифинг (оның 188-і жоспардан тыс) өткізіліп, БАҚ өкілдерімен 50 баспасөз туры және көшпелі брифинг ұйымдастырылды.
«Qazaqstan-Qyzylorda» және «ҚоғамТВ» телеарналарында Қызылорда облысының 85 жылдығына арналған «85 жылдың келбеті» атты арнайы айдар ашылып, аймақтың жетістіктері мен атқарылған жұмыстарын кеңінен таратуға бағытталған ақпараттық жұмыс жүргізілуде.
2023 жылға мемлекеттік ақпараттық саясатты жүзеге асыру қызметі бойынша 1 086 734,0 мың теңге бөлінген.
Интернет сайттармен жұмыстар
Ашықтықты қамтамасыз ету мақсатында «Ашық диалог» egov.kz порталында Қызылорда облысы әкімінің қатысумен онлайн режимінде түрлі тақырыптарда интернет-конференциялар ұйымдастырылады. Жыл басынан бері 10 интернет-конференция және 8 сауалнама жоспарланып, ұйымдастырылды. Интернет-конференцияда 40 сұрақ келіп түсіп, барлығына онлайн режимде уақытылы жауап берілді.
Аймақтың әлеуметтік-экономикалық дамуы туралы тұрғындарды ақпараттандыру мақсатында республикалық және жергілікті 16 интернет сайтпен жұмыс жасалып келеді. Интернет-порталдарға күнделікті облыстағы имидждік бағыттағы жаңалықтар орналастырылады.