Қызылорда облысының құрылыс, сәулет және қала құрылысы басқармасының 2022 жылғы 6 айлық қорытындысы
2022 жылдың бірінші жартыжылдығының қорытындысымен Қызылорда облысы бойынша құрылыс жұмыстарының (қызметтерінің) көлемі 33,8 млрд. теңге, немесе өткен жылғы тиісті кезеңге 127,4 % құрады.
Қызылорда облысы әкімдігі мен ҚР Премьер-Министрі арасындағы бекітілген Меморандумға сәйкес 2022 жылы 682,7 мың шаршы метр тұрғын үй пайдалануға беру жоспарланып отыр.
Биылғы жылы облыс бойынша Тұрғын үй-коммуналдық дамудың 2020-2025 жылдарға арналған «Нұрлы жер» мемлекеттік бағдарламасы аясында жалпы ауданы 95,0 мың ш.м 1294 пәтерді құрайтын 31тұрғын үйдің құрылысын жүргізіп, жыл аяғына дейін пайдалануға беру жоспарланып отыр.
Осы мақсаттарға мемлекеттік бюджет есебінен 4,8 млрд.теңге қаржы бөлінді (ҰҚ – 0,9 млрд.теңге, ОБ – 0,5 млрд.теңге,бағалы қағаздар шығару есебінен -3,1 млрд.теңге).
Оның ішінде:
Сатып алу құқығынсыз жалға берілетін тұрғын үйлер құрылысы бойынша – 10 үйдің (372 пәтер – 22,9 мың.ш.м) құрылысы жүргізіліп, пайдалануға беру жоспарлануда. Оның ішінде:
- Қызылорда қаласында-1үй (50 пәтер-3,4мың.ш.м.);
- Шиелі ауданында – 4 үй (72 пәтер - 4,2 мың.ш.м);
- Байқоңыр қаласында - 5 үй (250 пәтер – 15,3 мың.ш.м).
Кредиттік тұрғын үй құрылысы бойынша – Қызылорда қаласының СПМК тұрғын ауданында 12 тұрғын үйдің (580 пәтер - 38,6 мың ш.м) құрылысын жүргізіп, пайдалануға беру жоспарланып отыр.
Жеке құрылыс салушылар есебінен – Қызылорда қаласында
9 тұрғын үйдің (342 пәтер –33,5 мың ш.м) құрылысын жүргізіп, пайдалануға беру.
2022 жылғы қаңтар–маусым айларының қорытындысымен қаржыландырудың барлық көздері есебінен 312,3 мың шаршы метр тұрғын үй пайдалануға берілді, немесе өткен жылдың сәйкес кезеңіне 104,9 % құрап отыр.
Оның ішінде Қызылорда қаласы СПМК-70 тұрғын ауданында 40-пәтерлі 1 кредиттік тұрғын үй пайдалануға берілді.
Инженерлік – коммуникациялық инфрақұрылымды дамыту бойынша барлығы – 3,6 млрд. теңге қаржы бөлінді ( РБ – 2,1 млрд. теңге,ҰҚ - 0,3 млрд.теңге, ОБ - 1,2 млрд.теңге)
2022 жылдың аяғына дейін барлығы 227,7 шақырым инженерлік инфрақұрылым желілерін жүргізу жоспарлануда, оның ішінде электр желісі – 114,6 шқ, ауыз су желісі – 86,1 шқ, газ желісі – 17,4 шқ, жылу желісі – 9,6 шқ.
2022 жылға құрылыс саласы бойынша әлеуметтік нысандар құрылысына мемлекеттік бюджеттен 5,2 млрд.теңге бөлінді.
Бұл қаражатқа 27 әлеуметтік нысанның құрылысы жүргізу жоспарланған.
Анықтама үшін: (білім беру – 12 (7 мектеп, 2 оқу корпусы, 2 балабақша, 1 оқушылар үйі), денсаулық сақтау – 6, мәдениет – 4, спорт – 1, мемлекеттік органдар – 1, бизнестің жол картасы – 3,).
Соның ішінде, ағымдағы жылдың 2 жартысында жылына 5-10 мың донорлық облыстық қан орталығы, неке сарайы, мәдениет саласындағы көпсалалы кешен және 2 оқу корпустарының құрылысын бастау жоспарлануда.
Ағымдағы жылдың 6 айының қорытындысы бойынша 3 нысан пайдалануға берілді.
Анықтама үшін: 1) Қазалы ауданы, Әйтеке би кентінде 250 орындық емхана құрылысы; 2) Арал ауданы Сексеуіл ауылдық округінің Жалғызағым елді мекенінде медициналық бекет құрылысы; 3) Қазалы ауданы, Сарыкөл ауылдық округі, Жұбан елді мекенінде медициналық бекет құрылысы.
Ағымдағы жылдың соңына дейін 14 әлеуметтік нысанды аяқтау жоспарланса, қалған 10 нысан 2023 жылға өтпелі.
2022 жылдың жылдық қаржы жоспары-16943,4 млн теңге,оның ішінде:
2022 жылдың6 айының қаржы жоспары – 4100,1 млн теңге, о.і.
2022 жылдың 6 айында қаржының игерілу пайызы – 100,0%
2022 жылдың 6 айында игерілмей қалған қаржы – 129,0 теңге
2022 жылдың 6 айында облыстық құрылыс, сәулет және қала құрылысы басқармасы арқылы 39 құрылыс нысанының жоба-сметалық құжаттары әзірленіп, сараптаманың оң қорытындысы алынды. Жобалардың жалпы құны59,1 млрд теңгені құрап отыр.
Оның ішінде:
Бұған қоса, 16 құрылыс нысанының жоба-сметалық құжаттары әзірленуде (білім беру – 6, денсаулық сақтау – 2, мәдениет – 2, спорт – 1, қоғамдық тәртіп – 2, жұмылдыру дайындығы - 3). Оның ішінде 6 жоба сараптама қарауында.
Сондай-ақ, мемлекеттік бюджеттің қаражатын игерумен қатар, инвестиция тарту бағытында жұмыстар атқарылды. Демеушілердің қолдауымен өз қаражаты есебінен 123,0млн.теңгеге4құрылыс нысанының(2 мектеп, 1 өнер мектебі, 1 мемлекеттік орган нысаны) жоба-сметалық құжаттамалары әзірленді. 4 нысанның жалпы сметалық құны 7,1 млрд теңгені құрайды.
Атап айтқанда;
Аталған бағытта жұмыстар жалғастырылуда, қазіргі таңда Демеушілердің қолдауымен «Арал ауданы Аманөткел ауылдық округі Ақшатау ауылында 50 орындық мектеп құрылысы», «Қызылорда қаласындағы №264 мектеп-лицейге 550 орындық бастауыш сынып оқу корпусының құрылысы» және «Қызылорда қаласы №3 мектеп-лицейіне қосымша 375 орындық бастауыш сынып оқу корпусының құрылысы» нысандарының жоба-сметалық құжаттамалары әзірлену үстінде.
Облыс бойынша 2008 жылдан бүгінгі күнге дейінгі мерзімде қала және кент орталықтарына әзірленген бас жоспары негізінде 46 егжей-тегжейлі жоспарлау жобасы әзірленіп, жоабаларға инженерлік инфрақұрылым желілерінің жүргізілуі және оның тиімділігін анықтау мақсатында мониторинг жұмыстары жүргізілді.
Жалпы облыс бойынша 14 465 жеке тұрғын үй құрылысы үшін жер учаскесі жоспарланып, инженерлік-коммуникациялық инфрақұрылым желілері жүргізілген.
Оның 5 564 жер учаскесіне тұрғын үй құрылыстары бой көтеріп игерілген. Ал, қалған 8 901 жер учаскесі (61%) игерілмеген.