Қызылорда облыстық құрылыс, сәулет және қала құрылысы басқармасының тікелей тапсырыс беруімен 2026 жылдың қаңтар-наурыз айлары бойынша құрылыс саласына 23,6 млрд. теңге бөлініп, бұл қаражатқа 5 нысанның құрылысы жүзеге асырылуда.
Анықтама ретінде:
Денсаулық сақтау – 2
Спорт – 2
Жұмылдыру дайындығы – 1
2026 жылдың қаңтар айында Қызылорда қаласының Сол жағалауынан дене шынықтыру-сауықтыру кешені ел игілігіне табысталса, жыл соңына дейін 3 үлкен нысанның құрылысын аяқтау жоспарлануда (Қызылорда қаласының Сол жағалауынан 100 келушіге арналған емханасы және онкологиялық бөлімшесі бар 300 орындық көпбейінді аурухана, Титов мөлтек ауданында 400 орындық №5 емхана және көпфункционалды «Қызылорда Арена» кешені).
Биыл қаңтар айында өткен Ұлттық Құрылтайдың 5-ші отырысында Мемлекет Басшысының тапсырмасымен Қызылорда қаласынан тәулік бойы жұмыс жасайтын жаңа кітапхана құрылысы және жаңа заманауи драма театр құрылысы бастау алатындығы хабарланды.
Биыл 2026 жылы Басқарма тарапынан демеушілік есебінен 2 ірі жобаның жоба-сметалық құжаттамалары әзірленуде. Олар – 200 орындық облыстық перинаталдық орталығы және Жаңа драма театр құрылысы. Бүгінгі күнге бұл екі жобаның тиісті жер телімдері табысталып, жоба алды құжаттары толық рәсімделді. Жоба-сметалық құжаттамалар толық әзірленгеннен кейін, мемлекеттік сараптама қарауына ұсынылатын болады.