2022 жылдың 12 желтоқсан күні басқарма басшысының міндетін атқарушы Ғалымжан Ілкібаевтың төрағалығымен және басқарма қызметкерлерінің, облыс әкімі аппаратының мемлекеттік құқықтық жұмыстар бөлімінің «Сыбайлас жемқорлықты алдын алу және оған қарсы іс-қимыл» үлгілік базалық бағытының жобасына жауапты маманының, сондай-ақ, қоғам өкілдерінің қатысуында басқарманың тауарларды мемлекеттік сатып алу және жұмыстарды мемлекеттік сатып алу бөлімдерінің қызметтеріне сыбайлас жемқорлық тәуекелдеріне қосымша жүргізілген ішкі талдау нәтижелері бойынша берілген ұсыныстарды талқылау мақсатында отырыс өткізілді.
Аталған талқылау отырысында сыбайлас жемқорлық тәуекелдерін болдыртпау мақсатында қолданыстағы мемлекеттік сатып алу заңдылығын жетілдіру бағытында берілген ұсыныстар сараланып, тиісті түсіндірме жұмыстары жүргізіліп, бір қатар сұрақтар мен пікір алмасулар жасалды.
Сонымен қатар, жария тыңдау қорытындысымен анықтамада көрсетілген ішкі талдау нәтижелері бойынша анықталған сыбайлас жемқорлық құқық бұзушылықтар жасауға ықпал ететін себептер мен жағдайларды жою жөніндегі іс-шара жоспарын белгілеу ұсынылды.