Лицензиялау және аттестаттау бөлімінің ережесі

 

                                                                                          «Қызылорда облысының мемлекеттік

                                                                         сәулет-құрылыс бақылауы

                                                                        басқармасы» басшысының

                                                                                           2021 жылғы «_____» _____________

                                                                                              № __________ бұйрығымен бекітілген

                                               2-қосымша

«Қызылорда облысының мемлекеттік сәулет-құрылыс бақылауы басқармасы» коммуналдық мемлекеттік мекемесінің лицензиялау және аттестаттау бөлімінің

ЕРЕЖЕСІ

 

1. Жалпы ережелер

 

1. «Лицензиялау және аттестаттау» бөлімі (бұдан әрі – бөлім) «Қызылорда облысының мемлекеттік сәулет-құрылыс бақылауы басқармасы» коммуналдық мемлекеттік мекемесінің (бұдан әрі – Басқарма) құрылымдық бөлімшесі болып табылады.
2. Бөлім өзінің қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасы Президенті мен Қазақстан Республикасы Үкіметінің актілерін, басқа да нормативтік-құқықтық актілерін, сондай-ақ осы Ережені басшылыққа алады.
3. «Лицензиялау және аттестаттау» бөлімінің құрылымын, штат санын Қазақстан Республикасының заңнамасында белгіленген тәртіппен басқарманың басшысы бекітеді.

 

2. Лицензиялау және аттестаттау бөлімінің негізгі міндеттері, функциялары мен құқықтары

 

1. Бөлімнің міндеттері мен функциялары:

1) сәулет, қала құрылысы және құрылыс саласындағы лицензиялар функцияларын жүзеге асыру, оның ішінде:

- лицензия және лицензияға қосымшалар берген кезде өтініш берушінің біліктілік талаптарына сәйкестігін анықтау;

- лицензиялық бақылауды жүзеге асыру;

- уәкілетті органға берілген лицензия тізілімін жолдау.

2) сәулет, қала құрылысы және құрылыс қызметі саласында сараптамалық жұмыстар мен инжинирингтік қызметтерді жүзеге асыру құқығына сарапшыларды аттестаттау жөніндегі функцияларды жүзеге асыру, оның ішінде:

- өтініш берушінің құжаттарын қабылдау және қарау;

- уәкілетті органға берілген аттестаттардың тізілімін жолдау;

-сараптамалық жұмыстар мен инжинирингтік қызметтер көрсететін сарапшыларды аттестаттау жөнінде ұйымдастыру іс-шараларын (электрондық тестілеу) жүргізу;

3) сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеу функцияларын жүзеге асыру;

4) лицензия алу үшін лицензияттар ұсынған құжаттар мен материалдарды қарау, заңмен белгіленген лицензияланатын жұмыс түрлерінің тізіміне сәйкес ведомстволық бағыныстағы аумақтағы сәулет, қала құрылысы және құрылыс қызметі саласында лицензиялауды жүзеге асыру, белгіленген үлгі бойынша қатаң есептілік бланкілерін жүргізу;

5) лицензия және лицензияға қосымша алу үшін құжаттарды қарастыру кезінде өтініш берушінің біліктілік талаптарға сәйкестігін анықтау, лицензиялық бақылауды жүзеге асыру, оның ішінде тексерудің нәтижесі бойынша лицензиялау нормаларын бұзушыларға тиісті шаралар қолдану, сәулет, қала құрылысы және құрылыс қызметі саласында сараптамалық жұмыстар мен инжинирингтік қызметтер көрсететін сарапшыларды аттестаттау жөніндегі функцияларды жүзеге асыру, оның ішінде, өтініш берушінің құжаттарын қабылдау және қарау, сараптамалық жұмыстар мен инжинирингтік қызметтер көрсететін сарапшыларды аттестаттау жөніде ұйымдастыру
іс-шараларын (электрондық тестілеу) жүргізу;

6) сәулет, қала құрылысы және құрылыс қызметінде субъектілерге берілетін лицензияларға және аккредитациялауға мониторинг жүргізу, оларды есепке алу мен тіркеу, лицензияттардың лицензиялау ережелері мен нормаларын сақтауын бақылау, лицензиялау нормалары мен ережелерін бұзуға жол берген заңды және жеке тұлғаларға қатысты заңнамалық тәртіпте белгіленген шаралар қолдану;

7) лицензияланатын құжаттарды сақтау және мұрағатқа өткізуді ұйымдастыру;

8) лицензиялау және аттестаттау мәселелері бойынша азаматтарды қабылдау, жеке және заңды тұлғалардың өтініштерін қарау;

9) Қазақстан Республикасы заңнамалық актілерінде белгіленген құзыреті шегінде өзге де мәселелерді шешу;

10) бөлім бойынша сыбайлас жемқорлық сипатындағы құқық бұзушылықтардың алдын-алу, болдырмау бағытындағы жұмыстарды ұйымдастыру;

11) күнделікті жұмыста ақпараттық технологияларды тиімді пайдаланып, электронды құжат айналым жүйесін тиімді қолдану;

12) мемлекеттік көрсетілетін қызметтер бойынша бөлімнің тоқсандық, жылдық жұмыс жоспарын әзірлеп, орындалуын қамтамасыз ету;

13) бөлімнің іс номенклатурасындағы құжаттардың дұрыс рәсімделуін, оның орындалуын қамтамасыз ету;

14) бөлімде электрондық құжат айналымды және ақпараттық технологияларды қолдануды толықтай жүзеге асыру;

15) бөлімге келіп түскен жеке және заңды тұлғалардың өтініштерінің заңға сәйкес қаралуын және уақытылы жауап берілуін қамтамасыз ету;

16) бөлімге «Қызмет бабында пайдалану үшін» грифімен  келген іс құжаттарымен тиісті жұмыстарды жүргізу;

17) бөлімде еңбек тәртібінің сақталуын, ҚР «Мемлекеттік қызмет туралы» Заңының және ҚР Президенттің Жарлығымен бекітілген «Мемлекеттік қызметшілерінің Әдеп Кодексімен» көзделген талаптардың орындалуын ұйымдастыру;

18) бөлімнің жұмыс саласына қатысты ақпараттық-талдамалық, анықтамалық материалдар әзірлеу, басқарманың құзыретіне қатысты нормативтік құқықтық актілер және басқа да құжаттар әзірлеуге қатысу;

19) «Тілдер туралы» ҚР Заң талаптарын бөлім бойынша жүзеге асырылуын ұйымдастыру;

20) бөлімге келіп түскен бақылаудағы құжаттардың дер кезінде орындалуын ұйымдастыру;

21) басқарма бойынша бөлімге қатысты бұйрықтар мен әкімдік қаулыларының жобаларын әзірлеуге қатысу;

22) бөлімнің құзырына жататын мәселелер бойынша жергілікті атқарушы органдармен, мекеме, кәсіпорындар, қоғамдық және өзге де ұйымдармен байланыс жасап, жұмыстар жүргізу. 

2. Бөлім мынаған құқылы:

 

1) бекітілген тәртіпке сәйкес басқарманың бөлімдері мен басқа мекемелерден қажетті ақпараттар мен материалдарды сұрауға және алуға;

2) бақылау мен қадағалаудың өзге нысандарын жүзеге асырған кезде объектілерге барып тексеруге;

3) қабылданған шешiмдердiң орындалуын бақылауды қамтамасыз етуге;

4) басшылықтың келісімімен басқарманың қызметінде оның
ақпараттық-талдау жұмысын жетілдіретін түрлі нысандағы ішкі есептемелер мен ақпараттық материалдар жасап, оны тәжірибеге ендіруге;

5) бөлім басшысы лауазымдық нұсқаулықтарға сәйкес бөлім қызметкерлеріне міндеттер бөлуге, олардың өз міндеттері мен басқарма басшылығының тапсырмаларының дер кезінде орындалуын бақылауға;

6) өз құзыретіне кіретін мәселелер бойынша кеңестер, семинарлар, конференциялар өткізуге;

7) Қазақстан Республикасының заңнамаларында қарастырылған басқа да құқықтарды іске асыруға құқылы.

 

2. Лицензиялау және аттестаттау бөлімінің қызметін ұйымдастыру

 

1. «Лицензиялау және аттестаттау» бөлімі Қазақстан Республикасының заңнамалық актілеріне, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыру үшін қажетті өкілеттіктерді иеленеді.
2. «Лицензиялау және аттестаттау» бөлімін Қазақстан Республикасының заңнамасында белгіленген тәртіппен басқарма басшысы қызметке тағайындайтын және қызметтен босататын бөлім басшысы басқарады.
3. «Лицензиялау және аттестаттау» бөлімінің басшысы бөлімнің қызметіне жалпы басшылықты жүзеге асырады және бөлімге жүктелген міндеттердің орындалуы мен оның өз функцияларын жүзеге асыру үшін дербес жауапты болады.
4. «Лицензиялау және аттестаттау» бөлімінің басшысы басқарма басшысына бөлімнің құрылымы мен штаттық кестесі бойынша ұсыныстар береді.
5. «Лицензиялау және аттестаттау» бөлімінің құзыретіне кіретін мәселелер бойынша хат хабарламаларға бөлімнің басшысы бұрыштама береді.

                                                                                        

Дата публикации

05 января 2022