«Қазақстан Республикасындағы сайлау туралы» Қазақстан Республикасының Конституциялық Заңының 113-5 – бабының 9 тармағына сәйкес Қызылорда қалалық сайлау комиссиясы хабарлайды:

Қызылорда қалалық сайлау комиссиясының  2022 жылғы 11 мамырдағы шешімімен 2022 жылғы 29 мамырға  тағайындалған сайлауда  Қызылөзек ауылдық округі әкіміне  3 кандидат тіркелді.

Байкенов Айдос Муратбекович – 1984 жылы туған, қазақ, Қызылөзек ауылдық округі әкімінің аппараты «Қараөзек» ауылдық клубының директоры, Қызылорда қаласы, Қызылөзек ауылдық округі, Қараөзек ауылында тұрады. Өзін-өзі ұсыну тәртібімен ұсынылған.

Тныштықбай Айдын Маратұлы – 1993 жылы туған, қазақ, «Қызылорда қаласы әкімінің аппаратында» бөлім басшысы, Қызылорда қаласында тұрады. Өзін-өзі ұсыну тәртібімен ұсынылған.

Әбдіжаппар Сәкен Нысанұлы – 1963 жылы туған, қазақ, «Қызылөзек ауылдық округі әкімінің аппараты» әкім, Қызылорда қаласында тұрады. «AMANAT» партиясының мүшесі, өзін-өзі ұсыну тәртібімен ұсынылған.