Мемлекеттік көрсетілетін қызметтер саласының 2022 жылдың І тоқсаны бойынша есебі

Қазақстан Республикасы Цифрлық даму, инновациялар және аэроғарыш өнеркәсібі министрлігінің 2020 жылғы 31 қаңтардағы № 39/НҚ бұйрығымен бекітілген мемлекеттік көрсетілетін қызметтердің тізіліміне сәйкес Қызылорда қаласы әкімдігінің жергілікті атқарушы органдары 59 мемлекеттік қызмет түрлерін көрсетеді.

2022 жылдың І тоқсан көлемінде қалада 37 мың 122 мемлекеттік қызмет көрсетілді. Оның ішінде:

- 30 мың 83 қызмет «Электрондық үкімет» веб-порталы арқылы (81%);

- 5 мың 885 қызмет «Азаматтарға арналған үкімет» мемлекеттік корпорациясы арқылы (16%);

- 1 мың 154 қызмет тікелей дербес бөлімдердің кеңселері арқылы (3%) мемлекеттік қызмет көрсетілді.

Есепті кезеңдегі неғұрлым сұранысқа ие мемлекеттік қызметтер – халықты әлеуметті қорғау мен  сәулет және қала құрылысы саласындағы қызметтер, атап айтқанда:

- «Қазақстан Республикасының аумағында жылжымайтын мүлік объектілерінің мекенжайын айқындау бойынша анықтама беру» қызметі бойынша 6 мың 50 (18%) мемлекеттік қызмет көрсетілді.

- «Мүгедектерді техникалық қосымша (компенсаторлық) құралдармен қамтамасыз етуге құжаттарды ресімдеу» қызметі бойынша 5 мың 180 (15%) мемлекеттік қызмет көрсетілді;

- «Жұмыс іздеп жүрген адамдарды тіркеу» қызметі бойынша 3 мың 780 (11%) мемлекеттік қызмет көрсетілді.

2022 жылдың І тоқсан көлемінде Қызылорда қаласы әкімдігінің ішкі бақылау жұмысына жауапты қызметкерлері бекітілген жоспарға сәйкес, есепті мерзімде 2 ішкі бақылау жұмыстарын жүргізді. Нәтижесінде
1 бұзушылық анықталып, 1 жауапты тұлға тәртіптік жауапкершіліке тартылды.

Қала әкімдігі «Электрондық үкімет» порталының сервистері арқылы электрондық форматта қызметтерді алуды арттыру бойынша тұрақты негізде шаралар қабылдауда (ақпараттық-түсіндіру іс-шараларын, мемлекеттік қызметтер жәрмеңкесін өткізу, БАҚ-та жариялау, брошюралар тарату, халық көп жиналатын жерлерде бейнероликтер көрсету және т.б.). Есептік кезеңде 9 мақала, 35 материал жарияланды.