Кәсіпкерлікті алғашқы бастаушыға көмек

Қазіргі таңда жаңадан кәсіп бастағысы келетін кәсіпкерлерге мемлекет тарапынан арнайы бағдарламалар әзірленіп, мемлекеттік бағдарламалар жүзеге асырылуда. Осы бағдарламалар кәсіпкерлерге жан-жақты түсіндірілуі үшін, Журба көшесі №12 үйдің ғимаратында орналасқан «Даму» кәсіпкерлерге кеңес беру орталығы және Әйтеке би көшесі мекен-жайында орналасқан «Ұлттық кәсіпкерлер палатасы» құрылып, жұмыс жасауда.
Жеке кәсіпкерлік субьектілеріне бірегейлігімен және жаңалығымен ерекшеленетін жаңа бизнес-идеяларды іске асыру үшін өтеусіз және қайтарымсыз негізде мемлекеттік гранттар келесі мақсаттарда ұсынылады:
1. Негізгі құралдар мен материалдарды алу;
2. Материалдық емес активтер алу;
3. Технологиялар алу;
4. Франшизаға рұқсат алу;
5. Зерттеу жұмыстарына және/немесе жаңа технологияларды енгізуге байланысты шығыстар.