Экономика саласы бойынша 2023 жылдың қорытындысы бойынша атқарылған жұмыстар

Қала бюджетінің түсімдері мен шығыстарының атқарылуы туралы есептері мен кент, (ауылдық округтер бойынша 4-деңгейлі бюджеттің атқарылуы туралы есептері ай сайын жинақталды, салыстыру актілері ай-сайын уақытылы жасалынып, белгіленген мерзімде облыстық қаржы басқармасына, Қызылорда облысы бойынша тексеру комиссиясына, Қызылорда облысы бойынша қаржылық ішкі мемлекеттік аудит департаментіне, қала әкімдігіне және қалалық экономика бөліміне тапсырылып отырды. Ауылдық округтар бойынша қолма-қол бақылау шоттарындағы ақша қозғалысына бақылау жасалып, түскен қаржы мен оның игерілуі туралы есебі ай сайын тиісті органдарға уақытылы тапсырылды.

Қала бюджетінен қаржыландырылатын мемлекеттік мекемелердің және кент, ауылдық округтердің қаржылық және бюджеттік есептері жинақталып, шоғырландырылған қаржылық есептіліктері (баланс қосымшаларымен) және бюджеттік есептіліктер (ақылы қызмет, өзін-өзі басқару, уақытша орналастыру ҚБШ-лары бойынша есептер) облыстық қаржы басқармасының бекіткен мерзімінде уақытылы тапсырылады. Қалалық бюджет бойынша жылдық дебиторлық және кредиторлық есептер жинақталып, белгіленген мерзімде облыстық  қаржы басқармасына тапсырылды.

Қала бюджетінің кірістері мен трансферттердің түсуі күнделікті қадағаланып, қала әкіміне мәлімет беріліп отырды, кіріс-шығыс есептері жүргізілді.