Микроқаржыландыру туралы ақпарат, шағын және орта бизнесті субсидиялау

Бүгінде, қала көлемінде кәсіпкерлердің саны 34 862 (01.03.25 жыл) бірлікке жетіп, оның ішінде жұмыс жасап тұрғандар 96,1%-ды немесе 33 252 бірлікті (01.03.25 жыл) құрады.

РИЦ бойынша:

«Қызылорда» Өңірлік инвестициялық орталығы микроқаржы ұйымы арқылы құны 502,3 млн теңгені құрайтын
41 жоба қаржыландырылды.

Оның ішінде, облыс әкімінің тапсырмасы аясында 369,5 млн теңгеге 17 жоба «Ауыл шаруашылық өнімдерін өңдеуді дамыту» пилоттық жобасы аясында қолдау тапты.

Бұдан бөлек, «Іскер» бағдарламасымен 132,8 млн теңгеге 24 жоба несиеленді.

Биыл, микроқаржы орталығының алғашқы бақылау кеңесі өткізіліп, 329,6 млн теңгеге 7 жоба алдын-ала мақұлданып, 40 млн теңгеге 1 жоба қаржыландырылды.

Ауыл аманаты:

«Ауыл аманаты» бағдарламасы аясында өткен жылы облысқа жалпы 4,6 млрд теңге жоспарланып, оның ішінде 612,8 млн теңгесі Қызылорда қаласының кент пен ауылдық округтеріне лимит шегінде қаралаған болатын.

Дегенмен, жоспарланған қаражаттың 2,0 млрд теңгесі бөлініп, сәйкесінше, бөлінген қаражат шегінде 332,29 млн теңгені құрайтын 43 жобаға 2,5 пайызбен жеңілдетілген несие берілді.

Осы жылы, екінші деңгейлі банктердің кәсіпкерлік мақсатта ұсынылған 1 681 972 200 теңгеге 32 жоба несиелері «Даму» қорымен субсидияланды.