2024 жылдың II-тоқсанындағы Қызылорда қаласының әлеуметтік-экономикалық даму қорытындылары

Қызылорда қаласының әлеуметтік-экономикалық дамуының

2024 жылғы 1 шілдеге қорытындылары туралы

АҚПАРАТ

Ұлттық статистика бюросының облыстық статистика департаменті мәліметтеріне сәйкес Қызылорда қаласының әлеуметтік – экономикалық дамуы төмендегі көрсеткіштермен сипатталады.

Өнеркәсіп өнімдерінің өндіріс көлемі 289 620,7 млн. теңге, өткен жылдың салыстырмалы кезеңімен 88,1%-ды құрады.

Мұнай ұңғымаларының сулануы салдарынан шикі мұнай өндіру көлемі 16,2% төмендеген.

Өңдеуші өнеркәсіп саласында 39 067,3 млн. теңгеге өнімі өндіріліп, өткен жылдың салыстырмалы кезеңімен 100,3%-ға артты.

Ауыл шаруашылығы өнімдерінің жалпы өнімінің көлемі               2 224,2 млн. теңгені құрап, өнімнің нақты көлемінің индексі өткен жылдың салыстырмалы кезеңімен 107,3%-ды құрады.

Негізгі капиталға салынған инвестиция көлемі 110 162,7 млн. теңге болып, өткен жылдың салыстырмалы кезеңімен 135,2%-ға артты. Облыстағы үлесі 47,1%.

Құрылыс жұмыстарының көлемі 36 671,4 млн. теңге, өткен жылдың салыстырмалы кезеңімен 127,8%-ды құрады. Облыстағы үлесі 48,4%.

Пайдалануға берілген тұрғын үйлердің жалпы ауданы 191 021 шаршы метрді құрап, өткен жылмен салыстырғанда 100,4%-ды  құрады.

Қала бюджетінің 2024 жылдың 1 шілдеге кірістер болжамы (трансферттер мен зайымдарды қоса есептегенде) 33 847,4 млн. теңгені құрап, 36 462,8 млн. теңгеге немесе 107,7% орындалды. Оның ішінде өз кірістері болжанған 11 997,7 млн. теңгенің орнына  15 868,5 млн.теңгеге немесе 132,3% орындалды.

Қала бюджетінің шығыстар жоспары 35 571,4 млн. теңге болса, ол 35 320,2 млн. теңгеге немесе 99,3% құрады.

Шағын кәсіпкерлік саласында қала бойынша шағын және орта кәсіпкерлік субъектілерінің саны – 33 799 бірлік, оның ішінде жұмыс істеп тұрғандары – 31 650 бірлікті құрап, өткен жылдың салыстырмалы кезеңіне 91,8% құрады.

Бөлшек сауда көлемі 188 523,2 млн. теңгені құрап, өткен    жылдың салыстырмалы кезеңімен 102,7% құрады. Облыстағы үлесі 86,8%.

Бірыңғай индустриялық картасына енген жобалар, Қызылорда қаласы бойынша жалпы құны 27,6 млрд. теңгені құрайтын 12  жоба жүзеге асырылуда, оның бүгінгі күнге 3 жобасы іске қосылып, жұмыс жасауда.

1. «Вега Пром» ЖШС-нің «Құрғақ құрылыс қоспаларын өндіру бойынша цехты кеңейту» жобасы.(цех іске қосылып, жұмыс жасауда)
2. «Нұр Орда» ЖШС-нің «Қызылорда қаласында асфальтбетон зауытының құрылысы»
3. «Айғасар» ЖШС-нің «Ерекше балаларға арналған иппотерапия» жылқылы-сауықтыру клубын ашу және бие сүтін өңдеу цехын салу» жобасы іске қосылып, жұмыс жасауда.
4. «ТриМо» серіктестігінің «Қуаттылығы жылына 500 тонна екіокись молибден ұнтағын үшокись молибден ұнтағына техникалық айналдыру өндірісін ұйымдастыру» жобасы.
5. «Кызылорда Рефайнэри» ЖШС-нің «К4, К5 экологиялық кластағы мотор майларын өндіру» жобасы.
6. «Poom Trade KZ» ЖШС-нің «Қызылорда қаласында «КОМАЗ» шағын арматура зауытын салу» жобасы.
7. «Сыр-Маржаны» ЖШС-нің «Ет және ет өнімдерін өндіру және сақтау» жобасы.
8. «Қызылорда композиттік материалдар зауыты» ЖШС-нің «Шыны талшықты және композитті материалдарды өндіру зауыты» жобасы.
9. «Кәусар» ШҚ-ның «Құс фабрикасының құрылысы» жобасы
10. ЖК «Алпамыс» «Нан-тоқаш, кондитерлік, макарондық өнімдер өндіру кешені», жалпы құны 1,2 млрд. теңге, қуаттылығы нан-тоқаш өнімдері – 2520 тонна; кондитерлік өнімдер – 1008 тонна; макарон өнімдері – 1152 тонна.
11. «Айна Гласс» ЖШС-нің «Жоғары технологиялық айна шығару жобасы» қуаттылығы жылына 720 мың шаршы метр, жалпы құны – 1,5 млрд.теңге.
12. «Orda TEXC» ЖШС-нің «Түйе жүнін өңдеу және төсеніш көрпе өндіру цехы» жобасы

2024 жылдың  маусым айында «Orda Glass LTD» ЖШС-нің (директоры Хань Лицзюнь) энергия үнемдейтін шыны өндірісі жобасы іске қосылды. Жоба құны 6,7 млрд. теңге. Қуаттылығы жылына 5 млн шаршы метр, жұмыс орны 25.

2024 жылдың 1 маусымға алдын ала деректерге сәйкес халық саны 359,1 мың адамды құрап, өсу қарқыны 1,8%. 2023 жыл қорытындысымен экономикалық белсенді халық саны 147,1 мың адам, жұмыссыздық деңгейі – 4,6%.

2024 жылдың 1 шілдеге жұмыспен қамту органдарында жұмыссыз ретінде тіркелгендер саны 6 341 адам, тіркелген жұмыссыздық деңгейі 4,3%.

Жыл басынан 6 677 жаңа жұмыс орын құрылды, оның 1983 - і тұрақты жұмыс орны.               

Жыл басынан бері 3 172 адам қоғамдық жұмысқа, 100 адам әлеуметтік жұмыс орындарына жіберілді, жастар тәжірибесіне  328 жас маман жолданды.

Қала бойынша 2024 жылғы I тоқсанда бір қызметкердің орташа айлық атаулы жалақысы 343687 теңге, өткен жылғы тиісті кезеңге 114,5 пайызға артты, нақты жалақы индексі 105,8% болып қалыптасты.

Тұтыну бағасының индексі қаңтар-маусымына 107,8%, жоспарланған инфляция деңгейі 6-8%.