2023 жылғы 09 шілдеге тағайындалған Ақсуат ауылдық округі әкімін сайлау бойынша дауыс беру күніне дайындық туралы

Ақсуат ауылдық округі әкімін сайлауда дауыс беру а.ж. 09 шілдеде жергілікті уақытпен сағат 07:00 де басталады.

Ақсуат сайлау округі бойынша әкім лауазымына 4 кандидат ұсынылған, барлық кандидаттар өзін-өзі ұсынғандар.

1 кандидат тіркеуге дейін өз өтінішіне сәйкес бас тартылды. Осылайша, сайлауға қатысатын кандидаттар саны - 3.

Дауыс беру жергілікті уақытпен сағат 20.00-ге дейін жалғасады.

Ауылдық округ әкімін сайлауды ұйымдастырып, өткізуге 2 сайлау учаскесі (№227, №265 СУ), учаскелік сайлау комиссияларының 18 мүшесі және аумақтық сайлау комиссиясының 7 мүшесі тартылған.

Тізімге енгізілген сайлаушылар саны – 5602 адамды құрайды.

Тіркелген кандидаттардың сапалық құрамы:

Тіркелген 3 кандидат: 2 – мемлекеттік қызметшілер, 1 – бюджеттік сала қызметкері.

Кандидаттардың барлығы – ер адамдар.

Кандидаттардың ешбірінің ғылыми дәрежесі жоқ, «Болашақ» бағдарламасының түлегі болып табылмайды.

Мамандықтар бөлінісі бойынша: құқықтану – 1 (33,33%), есеп және аудит – 1 (33,33%), музыкалық білім – 1 (33,33%).

Кандидаттардың орта жасы - 42, ең жасы – 40 жаста, егделісі – 44 жаста.

Кандидаттардың барлығының ұлты қазақ.

1. Сайлау бюллетеньдері сайлау округіндегі сайлаушылардың жалпы санының 1 пайызы резервімен әзірленіп, сайлау учаскелеріне жеткізілді. Сайлау бюллетеньдері орналасқан үй-жайлар хатталып, ішкі істер органдарының күзетіне тапсырылды.
2. Сайлау учаскелерінде дауыс беруге арналған үй-жайлар Орталық сайлау комиссиясының қаулысымен бекітілген Нұсқаулығына сәйкес жабдықталған.

Сайлау учаскелерінде кандидаттар туралы ақпараттық плакаттар, комиссия құрамдары, жоғары тұрған комиссия, сот, прокуратура органдарының телефондары туралы қажетті ақпараттар, УСК қаулыларымен бекітілген дауыс беруге арналған үй-жайдағы тәртіп ережелері бар стендтер ілінген.

Сайлау комиссиялары сайлауды өткізуге дайын.