2022 жылғы 18 желтоқсанда өткізілген Ақжарма ауылдық округі әкімін сайлаудың қорытындысы туралы хабар

2022 жылғы 18 желтоқсанда Қызылорда қаласы Ақжарма ауылдық округі әкімінің сайлауы өткізілді.

Қызылорда қалалық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық заңының 14 бабының 9) тармақшасына, 44 бабының 2 тармағына, 45 бабына, 113-10 бабына сәйкес №228 және №229 учаскелік сайлау комиссияларының дауыс берудің нәтижелері туралы хаттамалары негізінде сайлау қорытындыларын анықтады:

Сайлау округі бойынша сайлаушылар тізіміне 1301 азамат енгізілген, оның ішінде 1172-сі дауыс берді. Жарамсыз деп танылған бюллетеньдер саны – 3, «Барлығына қарсымын» деген жолда белгісі бар – 25.

Әрбір кандидатты жақтап берілген дауыстар саны:

Әбдіреев Сәттар Бейбітұлы – 948; Жусупов Аскар Орманбекович – 69, Калыбеков Фазыл Туремуратович – 127.

Ақжарма ауылдық округі әкімі болып Әбдіреев Сәттар Бейбітұлы сайланды. 1976 жылы туылған,  қазақ, «Байқоңыр» ӘКК» АҚ жетекші менеджері,  Қызылорда қаласында тұрады. «AMANAT» партиясының мүшесі, өзін-өзі ұсынған.