2026 жылғы 19 сәуірге тағайындалған Белкөл кенті әкімін сайлауда кандидатты қолдап қол жинауға арналған қол қою парақтары туралы

«Қазақстан Республикасындағы сайлау туралы» Қазақстан Республикасының Конституциялық заңының 14-бабының 8-1-тармақшасына, 113-4 бабына сәйкес және Қызылорда қалалық сайлау комиссиясының 2026 жылғы 11 наурыздағы №66/118 «Белкөл кенті әкімінің сайлауын тағайындау туралы» қаулысы негізінде Қызылорда қалалық сайлау комиссиясы ҚАУЛЫ ЕТЕДІ:

1. Белкөл кенті әкіміне кандидатты қолдап қойылған рас қолдардың қажетті саны осы кент сайлаушыларының жалпы санынан кемінде бір пайыз, кемінде 29 (жиырма тоғыз) қол санында белгіленсін.
2. Өзін-өзі ұсынған кандидаттар әзірленген қол қою парақтарының жеткілікті санымен қамтамасыз етілсін.
3. Осы қаулы Қызылорда қаласы әкімдігінің ресми интернет-ресурсының «Сайлау» бөлімінде орналастырылсын.

 

 

Қалалық сайлау

комиссиясының  төрағасы Ғ. Баймырзаев

 

Қалалық сайлау

комиссиясының хатшысы К. Насибеков

 

 

16.03.2026 ж. №123 қаулысы

Дата публикации

18 марта 2026