Қызылорда қаласы әкімдігінің 2026 жылғы 5 наурыздағы № 472 қаулысы

Жер учаскесін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті мәжбүрлеп иеліктен шығарудың басталуы туралы

Қазақстан Республикасының Жер кодексінің 84-бабына, «Мемлекеттік мүлік туралы» Қазақстан Республикасының Заңының 63-бабына сәйкес, сондай-ақ «Қызылорда облысының ауыл шаруашылығы және жер қатынастары басқармасы» коммуналдық мемлекеттік мекемесінің 2026 жылғы 4 ақпандағы № 1/7-24/317 хатын қарап, Қызылорда қаласының әкімдігі ҚАУЛЫ ЕТЕДІ:

1. Меншік иелерінен немесе мемлекеттік емес жер пайдаланушылардан Қызылорда қаласының аумағында орналасқан жалпы көлемі 924,0 (тоғыз жүз жиырма төрт) гектар жер учаскелерінен қажетті көлемі 3,5 (үш бүтін оннан бес) гектар бөлігін 
   «Бейнеу-Бозой-Шымкент» магистральдық газ құбырының екінші желісін салу мақсатында  осы қаулының қосымшасына сәйкес мемлекет мұқтажы үшін мәжбүрлеп иеліктен шығару басталсын.
2. Мәжбүрлеп иеліктен шығару мерзімі 2026 жылғы 8 маусым болып белгіленсін.
3. Меншік иелері немесе мемлекеттік емес жер пайдаланушылар жүгінетін орын Қызылорда қаласы, Ыбырай Жахаев көшесі, № 24, № 10 кабинет болып белгіленсін.
4. Қызылорда қаласы әкімдігінің «Қызылорда қаласының қоғамдық даму бөлімі» коммуналдық мемлекеттік мекемесі осы қаулы қабылданған күнінен бастап үш жұмыс күні ішінде бұқаралық ақпарат құралдарына жарияласын.
5. Қызылорда қаласы әкімдігінің «Қызылорда қаласының ауыл шаруашылығы мен жер қатынастары бөлімі» коммуналдық мемлекеттік мекемесі жер учаскелерінің меншік  иелерін  немесе  мемлекеттік  емес   жер пайдаланушыларды ескертсін, сонымен қатар Қазақстан Республикасының заңнамасымен қарастырылған басқа да қажетті шаралар қолдансын.
6. Осы қаулының орындалуын бақылау жетекшілік ететін Қызылорда қаласы әкімінің орынбасарына жүктелсін.
7. Осы қаулы қол қойылған күнінен бастап қолданысқа енгізіледі.

 

 

     Қызылорда қаласының

             әкімі                                                                    Н. Ахатов

 

 

                                                                                                                    Қызылорда қаласы әкімдігінің

                                                                                                                    2026 жылғы «5» наурыздағы

                                                                                                                    №  472  қаулысына 

                                                                                                                    қосымша

№	Жер учаскесінің кадастрлық нөмірі	Меншік иесінің немесе жер пайдаланушының аты-жөні	Жалпы көлемі, га	Мемлекет мұқтажы үшін қажетті көлемі, га	Нысаналы мақсаты	құқық түрі
1	10-156-074-027	«Берікбол» шаруа қожалығы	100,0	3,3	өзіндік кәсіпкерлікке негізделген шаруа қожалығын жүргізу үшін	жеке меншік
2	10-156-075-124	«Арман» шаруа қожалығы	824,0	0,2	шаруа қожалығын жүргізу үшін	уақытша өтеулі ұзақ мерзімді ортақ үлестік жер пайдалану
	Барлығы		924,0	3,5

Қызылорда қаласының ауыл шаруашылығы

мен жер қатынастары бөлімінің басшысы                                                        М. Әжібеков

Дата публикации

10 марта 2026