Талсуат ауылдық округі мен Тасбөгет кенті әкімдерін сайлауда дауыс беру а.ж. 10 желтоқсанда жергілікті уақытпен сағат 07:00 де басталады.
Талсуат және Тасбөгет сайлау округтері бойынша әкімдер лауазымына 8 кандидат ұсынылған, барлық кандидаттар өзін-өзі ұсынғандар.
2 кандидат мемлекеттік қызмет саласындағы заңнама талаптарына сәйкес келмеуіне байланысты тіркеуден бас тартылды. Осылайша, сайлауға қатысатын кандидаттар саны - 6.
Дауыс беру жергілікті уақытпен сағат 20.00-ге дейін жалғасады.
Таслуат ауылдық округі мен Тасбөгет кенті әкімдерін сайлауды ұйымдастырып, өткізуге 10 сайлау учаскесі (№№223, 224, 225, 226, 234, 237, 261, 373, 381, 385 СУ), учаскелік сайлау комиссияларының 84 мүшесі және аумақтық сайлау комиссиясының 7 мүшесі тартылған.
Тізімге енгізілген сайлаушылар саны – 20084 адамды құрайды.
Тіркелген кандидаттардың сапалық құрамы:
Тіркелген 6 кандидат: 5 – мемлекеттік қызметші, 1 – бюджеттік сала қызметкері.
Кандидаттардың барлығы – ер адамдар.
Кандидаттардың ешбірінің ғылыми дәрежесі жоқ, «Болашақ» бағдарламасының түлегі болып табылмайды.
Мамандықтар бөлінісі бойынша: заңгер – 1 (16,67%), экономист – 4 (66,66%), гидрометеоролог – 1 (16,67%).
Кандидаттардың орта жасы – 39.8, ең жасы – 30 жаста, егделісі – 55 жаста.
Кандидаттардың барлығының ұлты қазақ.
Сайлау учаскелерінде кандидаттар туралы ақпараттық плакаттар, комиссия құрамдары, жоғары тұрған комиссия, сот, прокуратура органдарының телефондары туралы қажетті ақпараттар, УСК қаулыларымен бекітілген дауыс беруге арналған үй-жайдағы тәртіп ережелері бар стендтер ілінген.
Сайлау комиссиялары сайлауды өткізуге дайын.
Талсуат ауылдық округі бойынша сайлау бюллетеньдеріне енгізілген кандидаттар тізімі:
Бейсенбаев Ерлан Туткабаевич
Садирбаев Нургали Муталапович
Сәдуақас Нұрсұлтан Шәкизадаұлы
Тасбөгет кенті бойынша сайлау бюллетеньдеріне енгізілген кандидаттар тізімі:
Алмас Нұрсұлтан Алмасұлы
Орынбеков Алмас Нурболатович
Тныштықбай Айдын Маратұлы