Жер учаскесін мемлекет мұқтажы үшін алып қоюға байланысты жер учаскесін немесе өзге де жылжымайтын мүлікті мәжбүрлеп иеліктен шығарудың басталуы туралы

Қызылорда қаласы әкімдігінің 2023 жылғы
9 қаңтардағы № 1625 қаулысы

 

Жер учаскесін мемлекет мұқтажы үшін алып қоюға байланысты жер учаскесін немесе өзге де жылжымайтын мүлікті мәжбүрлеп иеліктен шығарудың басталуы туралы

 

Қазақстан Республикасының Жер кодексінің 84-бабына, «Мемлекеттік мүлік туралы» Қазақстан Республикасының Заңының 63-бабына және «Қызылорда облысы Қызылорда қаласының бас жоспары туралы» Қазақстан Республикасы Үкіметінің 2009 жылғы 17 шілдедегі № 1087 қаулысына өзгерістер енгізу туралы» Қазақстан Республикасы Үкіметінің 2019 жылғы
6 маусымдағы № 374 қаулысына сәйкес, сондай-ақ «Қызылорда облысының құрылыс, сәулет және қала құрылысы басқармасы» коммуналдық мемлекеттік мекемесінің 2022 жылғы 15 желтоқсандағы № 04-03/2672 хатын қарап, Қызылорда қаласының әкімдігі ҚАУЛЫ ЕТЕДІ:

1. Меншік иелерінен Қызылорда қаласы, Ақмаржан шағын ауданы мекенжайында орналасқан кәсіпкерлік мақсаттар үшін, ғимарат құрылысы және оған қызмет көрсету үшін жалпы көлемі 2569,0 (екі мың бес жүз алпыс тоғыз) шаршы метр жер учаскелерін немесе өзге де жылжымайтын мүлікті мектеп құрылысы аумағын ұлғайтуға байланысты осы қаулының қосымшасына сәйкес мемлекет мұқтажы үшін мәжбүрлеп иеліктен шығару басталсын.
2. Мәжбүрлеп иеліктен шығару мерзімі 2023 жылғы 12 сәуір болып белгіленсін.
3. Меншік иелері мен мемлекеттік емес жер пайдаланушылар жүгінетін орын Қызылорда қаласы, Мұстафа Шоқай көшесі, № 147 үй, № 21 кабинет болып белгіленсін.
4. Қызылорда қаласы әкімдігінің «Қызылорда қаласының жер қатынастары бөлімі» және «Қызылорда қаласының ішкі саясат бөлімі» коммуналдық мемлекеттік мекемелері заңнамада белгіленген тәртіппен осы қаулыдан туындайтын шараларды қабылдасын.
5. Осы қаулының орындалуын бақылау жетекшілік ететін Қызылорда қаласы әкімінің орынбасарына жүктелсін.
6. Осы қаулы қол қойылған күнінен бастап қолданысқа енгізіледі.

 

Қызылорда қаласының

                  әкімі                                                                      А. Шаменов

 

 

 

 

 

Қызылорда қаласы әкімдігінің

2023 жылғы « 9 » қаңтардағы

№ 1625 қаулысына қосымша

 

 

№	Жер учаскесінің кадастрлық нөмірі	Меншік иесінің аты-жөні	Көлемі, шаршы метр	Нысаналы мақсаты
1	10-156-022-3201	Байменова Жумагуль	1068,0	кәсіпкерлік мақсаттар үшін
2	10-156-022-3202	Байменова Жумагуль	1000,0	кәсіпкерлік мақсаттар үшін
3	10-156-022-3200	Байменова Жумагуль	301,0	кәсіпкерлік мақсаттар үшін
4	10-156-022-3072	Букенбаев Орынбай Мылтыкбаевич	200,0	ғимарат құрылысы және оған қызмет көрсету үшін
			2569,0

Дата публикации

10 января 2023