Қызылорда қаласы әкімдігінің 2022 жылғы 29 қарашадағы № 1362 қаулысы

Жер учаскесін мемлекет мұқтажы үшін алып қоюға байланысты жер учаскесін немесе өзге де жылжымайтын мүлікті мәжбүрлеп иеліктен шығарудың басталуы туралы

Қазақстан Республикасының Жер кодексіне, «Мемлекеттік мүлік туралы» Қазақстан Республикасының Заңына және «Қызылорда облысы Қызылорда қаласының бас жоспары туралы» Қазақстан Республикасы Үкіметінің
2009 жылғы 17 шілдедегі № 1087 қаулысына өзгерістер енгізу туралы» Қазақстан Республикасы Үкіметінің 2019 жылғы 6 маусымдағы
№ 374 қаулысына сәйкес, сондай-ақ Қызылорда қаласы әкімдігінің «Қызылорда қаласының Тасбөгет кенті әкімінің аппараты» коммуналдық мемлекеттік мекемесінің 2022 жылғы 14 қарашадағы № 11-04/1047,
2022 жылғы 16 қарашадағы № 11-04/1057 хаттарын қарап, Қызылорда қаласының әкімдігі ҚАУЛЫ ЕТЕДІ:

1. Меншік иелерінен Қызылорда қаласы, Тасбөгет кенті мекенжайында орналасқан ғимаратқа қызмет көрсету және бағбандық үшін жалпы көлемі 8801,7 (сегіз мың сегіз жүз бір бүтін оннан жеті) шаршы метр жер учаскелерін немесе өзге де жылжымайтын мүлікті тұрғындарға көше ретінде пайдалануға және ауыз су құбыры жоспарлануына байланысты осы қаулының қосымшасына сәйкес мемлекет мұқтажы үшін мәжбүрлеп иеліктен шығару басталсын.
2. Мәжбүрлеп иеліктен шығару мерзімі 2023 жылғы 24 ақпан болып белгіленсін.
3. Жер учаскелерінің меншік иелері жүгінетін орын Қызылорда қаласы, Мұстафа Шоқай көшесі, № 147 үй, № 21 кабинет болып белгіленсін.
4. Қызылорда қаласы әкімдігінің «Қызылорда қаласының ішкі саясат бөлімі» коммуналдық мемлекеттік мекемесі осы қаулы қабылданған күнінен бастап үш жұмыс күні ішінде бұқаралық ақпарат құралдарына жарияласын.
5. Қызылорда қаласы әкімдігінің «Қызылорда қаласының жер қатынастары бөлімі» коммуналдық мемлекеттік мекемесі жер учаскелерінің
   меншік иелерін ескертсін, сонымен қатар Қазақстан Республикасының заңнамасымен қарастырылған басқа да қажетті шаралар қолдансын.
6. Осы қаулының орындалуын бақылау жетекшілік ететін Қызылорда қаласы әкімінің орынбасарына жүктелсін.
7. Осы қаулы қол қойылған күнінен бастап қолданысқа енгізіледі.

Қызылорда қаласының

                  әкімі                                                                      А. Шаменов

 

 

Қызылорда қаласы әкімдігінің

2022 жылғы «29 » қарашадағы

№ 1362 қаулысына қосымша

 

 

№	Жер учаскесінің кадастрлық нөмірі	Меншік иесінің аты-жөні	Көлемі, шаршы метр	Нысаналы мақсаты
1	10-156-083-1060 (өзгергені 10-156-087-1003)	Жаунбаев Марат	4801,7	ғимаратқа қызмет көрсету үшін
2	10-156-076-9501 (өзгергені 10-156-087-970)	Алиева Гулсара Турсынбаевна	800,0	бағбандық үшін
3	10-156-076-9484 (өзгергені 10-156-087-1155	Тажемуратов  Азамат Утепбергенович	800,0	бағбандық үшін
4	10-156-087-1299	Турсунбаева Халида Алматовна	800,0	бағбандық үшін
5	10-156-076-9548 (өзгергені 10-156-087-1292)	Аринова Алма Жаныбекқызы	800,0	бағбандық үшін
6	10-156-083-689 (өзгергені 10-156-087-1132)	Сарман Шейх Мансур Мейрамбекұлы	800,0	бағбандық үшін
			8801,7

 

 

       

 

 

 

 

 

 

 

Дата публикации

02 декабря 2022