Қызылорда қаласы әкімдігінің «Қызылорда қаласының ауыл шаруашылығы бөлімі» КММ ауыл шаруашылық саласында басшылықты жүзеге асыратын Қазақстан Республикасының мемлекеттiк органы болып табылады.

Ауыл шаруашылығын дамыту саласында бірыңғай мемлекеттік саясатты іске асыру, өндiрiлген өнiмнiң сапасын және бәсекеге қабілеттілігiн арттыру жағдайында агроөнеркәсiптiк кешен салаларының дамуын экономикалық ынталандыру ретiнде жүзеге асыру, тұқым шаруашылығын дамыту, мал шаруашылығы өнiмiнiң өнiмдiлiгi мен сапасын арттыру, асыл тұқымды мал шаруашылығын дамыту бөлімнің басты міндеттері және миссиясы болып табылады. Сонымен қатар, өсімдіктерді қорғау мақсатында ауыл шаруашылығы тауарларын өндірушілерге ауыл шаруашылығы дақылдарын өңдеуге арналған гербицидтердің, биоагенттердің және биопрепараттардың құныны арзандату, жемiс-жидек дақылдарының және жүзiмнің көп жылдық көшеттерiн отырғызу және өсіру (оның ішінде қалпына келтіру), ауыл шаруашылығы дақылдарын қорғалған топырақта өсіру; ауылшаруашылық тауарларын өндiрушiлерге суды беру бойынша көрсетiлетiн қызметтердiң құнын субсидиялауды ұйымдастырады.