Сайлау жүйесінің ашықтығын қамтамасыз ету мәселелері бойынша кездесу болып өтті

2022 жылғы 16 наурыз күні Қазалы ауданында облыстық сайлау комиссиясы мүшелерінің Қазақстан Республикасындағы сайлау жүйесінің ашықтығын қамтамасыз ету мәселелері бойынша сайлау процесіне қатысушылармен кездесуі болып өтті.

Кездесу Қазалы аудандық сайлау комиссиясы орналасқан Қазалы аудандық білім бөлімінің мәжіліс залында өткізілді.

Кездесуге Қызылорда облыстық сайлау комиссиясы төрағасының орынбасары Накипов Болат Нұржігітұлы, облыстық сайлау комиссиясының мүшесі Наурызбаев Қожамжар және аудандық сайлау комиссиясының мүшелері, Әйтеке би кенті мен Қазалы қаласында орналасқан учаскелік сайлау комиссияларының төрағалары мен хатшылары, саяси партия, БАҚ және үкіметтік емес ұйым өкілдері қатысты.

Кездесуге қатысушылар сайлау заңнамасын жетілдіруге, сайлауды өткізу барысында оның Заң аясында қолданылуына аудандық пен учаскелік сайлау комиссиясы жұмысының ашықтығына, мәжіліс пен мәслихат депутаттарын сайлау кезінде аралас сайлау жүйесін енгізуге, мүмкіндігі шектеулі сайлаушыларға, оның ішінде көзі көрмейтін сайлаушыларға жағдай жасау мәселелері туралы ұсыныс-тілектерін айтып, сұрақтарын қойды.

Кездесуді  облыстық сайлау комиссиясы төрағасының орынбасары Б.Накипов қорытындылап, кездесуде белсенділік танытқан БАҚ және үкіметтік емес ұйым өкілдеріне алғысын айтты. 

Сонымен қатар, осы күні облыстық сайлау комиссиясы мүшелері Өркендеу ауылдық округінде орналасқан №89  учаскелік сайлау комиссиясы мүшелерімен кездесіп, ағымдағы жылдың 27 наурызында өтетін Өркендеу ауылдық округі әкімінің сайлауын ұйымдастыру мен өткізуге байланысты тиісті тапсырмалар берді.