Қазалы аудандық сайлау комиссиясының мәжілісі болып өтті

2022 жылдың 28 ақпан күні Қазалы аудандық сайлау комиссиясының мәжілісі болып өтті.

Мәжіліске №89 учаскелік сайлау комиссиясының төрағасы, №104 орта мектеп директорының міндетін уақытша атқарушы, аудан әкімі аппаратының, аудандық сот, прокуратура, мемлекеттік кірістер басқармасының және аудандық полиция бөлімінің паспорт қызметтерінің жауапты қызметкерлері шақырылды.

Мәжілісте 2022 жылдың 27 наурызына тағайындалған Қазалы ауданының Өркендеу ауылдық округі әкімінің сайлауын әзірлеу мен өткізу жөніндегі негізгі іс-шаралардың күнтізбелік жоспарымен таныстыру және одан туындайтын міндеттер қарастырылды.

Күн тәртібіндегі мәселе бойынша Қазалы аудандық сайлау комиссиясы төрағасының орынбасары Қ.Иманбаев хабарлама жасап, мәжіліске қатысушыларды сайлауға әзірлеуге байланысты іс-шаралар жоспарымен таныстырып, одан туындайтын міндеттер мен олардың мерзімдерін атап өтті.

Мәжіліске қатысушылар күн тәртібіндегі мәселе бойынша ұсыныс-пікірлерін білдіріп, өз ойларын айтты.

Мәжіліс қорытындысымен Қазалы аудандық сайлау комиссиясының хаттамалық шешімі бекітілді.

Қазалы аудандық сайлау комиссиясы