2026 жылғы 13 қазанда Қазалы аудандық мәслихаты депутаттарының кезектен тыс сайлауын ұйымдастыру мәселелері жөніндегі Қазалы ауданының аумақтық сайлау комиссиясының бірінші отырысы өтті.

Қазалы ауданының аумақтық сайлау комиссиясының отырысында төрт мәселе қаралды:

1. 2026 жылғы 29 қарашаға тағайындалған Қазалы аудандық мәслихаты депутаттарының кезектен тыс сайлауын дайындау және өткізу жөніндегі негізгі іс-шаралардың Күнтізбелік жоспарын бекіту туралы.

2. Шығып қалған округтік сайлау комиссияларының орнына округтік сайлау комиссияларының мүшесін тағайындау, комиссиялардың құрамдары, округтер, олардың тізімдерін жариялау, сондай-ақ сайлаушыларды сайлау комиссияларының орналасқан жерлері туралы хабардар ету туралы.

3. «Қазалы аудандық мәслихатының депутаттарын сайлау жөнінде сайлау округтерін құру туралы» Қазалы ауданының аумақтық сайлау комиссиясының 2022 жылғы 29 желтоқсандағы №АСК-102/224 қаулысына өзгеріс енгізу туралы.

4. Мәслихаттар депутаттарын кезектен тыс сайлауға дайындау және өткізу кезеңінде аудандық, округтік және учаскелік сайлау комиссияларының қызметін және Комиссия мүшелерінің жұмысын ұйымдастыру туралы.

Комиссия мүшелерінің дауыс беру қорытындысы бойынша Қазалы аудандық мәслихаты депутаттарының кезектен тыс сайлауын дайындау және өткізу жөніндегі негізгі іс-шаралардың Күнтізбелік жоспары бекітілді. Күн тәртібіндегі қалған мәселелер бойынша тиісті шешімдер қабылданды.