Мемлекет басшысы Қасым-Жомарт Тоқаевтың 2019 жылдың 2 қыркүйектегі «Сындарлы қоғамдық диалог-Қазақстанның тұрақтылығы мен өркендеуінің негізі» атты Қазақстан халқына Жолдауының іске асырылу барысы

Мемлекет басшысының жыл сайынғы Жолдауын іске асыру жөніндегі іс-шаралар жоспарының орындалуы бойынша ақпарат

Қазақстан Республикасының Президентінің 2019 жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауын насихаттау және түсіндіру мақсатында «Жолдаудың негізгі ережелерін түсіндіру жөніндегі жұмысты ұйымдастыру туралы» аудан әкімінің 2019 жылғы  2 қыркүйектегі №456 өкімімен аудандық ақпараттық топтар (әр топта 5-4 адамнан) (бұдан әрі - ААТ) құрылып, топ мүшелерінің елді мекендерге шығу кестесі, іс-шаралар жоспары бекітілді. Сонымен қатар, желілік кесте әзірленіп, іс-шаралар тұрақты түрде жүзеге асырылып келеді. 

Жолдаудың негізгі ережелерін түсіндіру жөніндегі ААТ құрамын 39 мүшесі құрайды. Халықпен кездесу кестесіне сәйкес ААТ қыркүйек-желтоқсан айларында қазіргі кезге дейін 28 кездесу өткізіп, барлығы 1880 адам қамтылды.

Президент Жолдауын көрнекі үгіт-насихат құралдары арқылы ақпараттандыру мақсатында аудан бойынша 24 билборд орнатылды. Президент Жолдауын ақпараттық сүйемелдеу жұмыстары бойынша Жолдау жарияланғалы аудандық «Тұран Қазалы» мен «Қазалы» газетінде жолдаудың толық мәтіні, қоғамдық пікір жетекшілерінің пікірлері мен сұхбаттары жарияланып, бүгінгі күнге дейін барлығы 50 мақала жарық көрді. Аталған бағыттағы жұмыстар әрі қарай жалғасатын болады.