Қазалы ауданы бойынша білім бөліміне қарасты білім беру ұйымдарында атқарылған жұмыстар туралы

Аудандағы 37 мектепте 2025-2026 оқу жылын 16701 оқушымен аяқтаса, қыркүйекте жаңа оқу жылын 16745 оқушымен бастады. 2025-2026 оқу жылымен салыстырғанда оқушылар саны– 44-ке артып отыр.  Арту себебі: биылғы оқу жылына 1 сыныпқа келушілер санының көбеюі (2025-1484 бала, 2026-1538 бала) және өткен оқу жылындағы 9-сынып бітірушілерінің арнаулы орта білім беру ұйымдарына ауысу көрсеткішінің азаю себебінен (2025 жылы-31%, 2026 жылы- 26%)). Тиісінше мемлекеттік мектеп саны біреуге қысқарды. (№146 негізгі орта мектебі). 1 сыныпта 1655, 9 сыныпты 1598, 11 сыныпта 1100 оқушы бар.

Өткен оқу жылында 1015 оқушы мектеп бітіріп, 943-і ҰБТ-ға (93%) қатысып, орташа балы -85,4 –ті құрады (2024-2025 оқу жылында орташа балы -83). ҰБТ тапсырған 943 оқушының 727–і (77%) мемлекеттік грант конкурсына қатысып, нәтижесінде 531 оқушы (73%) мемлекеттік грант иегері атанды.

Мемлекеттік грант иеленген 531 түлектің 183-і педагогика, медицина-63, техникалық-103, ауылшаруашылық-49, басқа салалар бойынша-133 түлек таңдады.

2026 жылдың 27 мамырынан 31 тамызға дейін 1 сыныпқа – 1655 оқушының құжаттары қабылданды.