Облыстық кәсіпкерлік және өнеркәсіп басқармасының ұйымдастыруымен өңірімізде туризм саласын дамыту мақсатында отандық туристік компанияларға және трэвел-блогерлерге арналған Қызылорда облысы бойынша ақпараттық тур өткізілді.
Ақпараттық тур аясында келуші қонақтар Қызылорда қаласындағы мәдени туристік нысандарды аралап, сондай-ақ, «Байқоңыр» ғарыш айлағынан зымыранның ұшуын тамашалады.
Шараға отандық туристік компаниялардың басшылары, трэвел-блогерлер қатысып, әлеуметтік желілердегі оқырмандарымен бөлісті.
Жалпы, өткізілген шараның негізгі мақсаты – облыстың туристік әлеуетін көтеру, жергілікті кәсіпкерлердің және туристік қызметтің танымалдылығын арттыру, туристік қызмет көрсетуші кәсіпорындар қызметкерлерінің біліктіліктерін жаңа деңгейге шығару болып табылады.