Меню
Қармақшы ауданы бойынша дене шынықтыру және спортпен жүйелі түрде шұғылданушылар (142 спорттық нысанда) спорттың 22 түрімен 15201 адамды қамтып отыр. Статистикалық деректердің қорытындысы бойынша бұл көрсеткіш аудан халқының 28,0 пайызын құрайды.
Тұрғындар 11 олимпиадалық (ауыр атлетика, баскетбол, бокс, волейбол, жеңіл атлетика, дзюдо, каратэ-до, қол добы, таэквандо, үстел теннисі, футбол), 4 ұлттық спорт түрлері(арқан тарту, асық ату, қазақша күрес, тоғызқұмалақ), 7 олимпиадалық емес спорт түрлерімен (белбеу күресі, гір спорты, дойбы, кикбоксинг, қол күресі, самбо күресі, шахмат)шұғылданады.
Жалпы аудан көлемінде балалар-жасөспiрiмдер спорт мектептерінде барлығы 2138 жастар мен жасөспірімдер қамтылып отыр. Бұл аудандағы жасөспірімдердің 16 пайызын қамтиды (№15 Қармақшы ауданының олимпиадалық резервтің мамандандырылған балалар - жасөспірімдер мектебінде 1102 оқушы спорттың 15 түрімен шұғылданады. Жаттықтырушы саны – 32 адам. Қармақшы аудандық №16 балалар мен жасөспірімдер спорт мектебінде 758 оқушы спорттың 8 түрімен шұғылданады. Жаттықтырушы саны – 21 адам.