2024 жылдың II тоқсанындағы жылумен жабдықтау жұмыстары туралы мәлімет
Облыс бойынша жылу желілерінің тозу көрсеткіші 47 пайызды құрайды. Тозу деңгейін азайту мақсатында ағымдағы жылы 8 жоба бойынша 8,2 млрд. теңгеге жылу желілері қайта жаңғыртылатын болады. Нәтижесінде жылу желілерінің тозуы 44,1 пайызға төмендейді.
Сонымен бірге, жылу желілеріне техникалық зерттеу (техобследование) жұмыстарын жүргізуге жергілікті бюджетте 45 млн.теңге бөлініп, жұмыстар жүргізілуде.
«Ауыл ел бесігі» бағдарламасы аясында республикалық және облыстық бюджет есебінен (378,5 млн. теңгеге) 10 әлеуметтік нысан қазандықтары қайта жаңғыртылады (Қармақшы - 4, Жалағаш – 2, Сырдария-2, Шиелі - 2) оның ішінде 4 білім нысандардың қазандықтары сыртқа шығарылады (Қармақшы - 2, Шиелі - 2).
Сонымен қатар, Қызылорда қаласында құны 215 млрд. теңгені құрайтын, қуаттылығы 240 мегаватқа жететін жаңа жылуэлектрстанциясын салу бойынша дайындық жұмыстары жүргізілуде.
«Акса Энерджи Уретим Аноним Ширкети» компаниясының Қызылорда қаласында филиалы ашылды. Қазіргі уақытта жоба-сметалық құжаттамалары әзірленуде. Бас жобалаушы Швейцариялық «AFRY» компаниясы таңдалды. Бүгінгі таңда компаниямен жерді тегістеу, инженерлік-геодезиялық жұмыстар, қондырғы өндірушілермен келісім шарттар жасау бойынша жұмыстар жүргізілуде.
Жобаны аяқтау мерзімі 2025 жыл.
__________________________________________________________________________________________________