Қызылорда облысының энергетика және тұрғынүй-коммуналдық шаруашылық басқармасы бойынша
2025 жылдың 6 айында атқарылған жұмыстары туралы мәлімет
Апатты үйлердің мәселесі бойынша
2025 жылдың 1 шілдесіне Қызылорда облысында сараптама қорытындысымен апатты деп танылған 69 үй көппәтерлі тұрғын үйлер бар. Оның ішінде, Қызылорда қаласында 66 үй, Сырдария ауданында 2 үй, Жалағаш ауданында 1 үй бар.
Жалғыз тұрғын жайы апатты деп танылған көппәтерлі тұрғын үйлер бойынша барлығы 648 отбасы тұрғын үй кезегінде тұр. Оның ішінде, Қызылорда қаласында 617 отбасы, Сырдария ауданы бойынша 18 отбасы, Жалағаш ауданы бойынша 13 отбасы.
2024 жылы облыстық бюджеттен бөлінген 1,7 млрд.теңгеге
135 пәтер сатып алынып, табысталды.
Сонымен қатар, 2025 жылы Қызылорда қаласында жалғыз тұрғын жайы апатты деп танылған 135 отбасына пәтер сатып алу үшін облыстық бюджеттен 1,7 млрд. теңге қаралды.
Көпқабатты тұрғын үйлерді күрделі жөндеуден өткізу
2025 жылғы шілде айына күрделі жөндеуді талап ететін кондоминиум объектілерінің үлесі 2011 жылғы 800 үйден 601 үйге азайды. (немесе 73%-дан 42,5%-ға төмендеді).
2025 жылға республикалық бюджеттен 14 көпқабатты тұрғын үйді күрделі жөндеуден өткізуге 1,4 млрд.теңге қаржы бөлуге ҚР Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитетіне бюджеттік өтінім ұсынылды.
Тұрғынжай үшін азамматардың төлемдер төлеу туралы
Мемлекет басшысының халықтың әлеуметтік жағынан осал топтарын қолжетімді жалға берілетін тұрғын үймен қамтамасыз ету жөніндегі тапсырмасына сәйкес жұмыстар жасалуда.
Азаматтарға тұрғын үйдің жалдау ақысын төлеу бойынша қаржы операторы болып «Отбасы банк» тұрғын үй құрылыс жинақ банкі» АҚ-ы тағайындалды.
2025 жылдың 1 шілдесіне «Отбасы банк» АҚ мен 899 азамат ай сайын төлем жасалуда.
Тұрғын үйге кезектілік жөнінде
Тұрғын үй алу кезегінде тіркеуде тұрған азамматтар саны - 36680.
Оның ішінде:
-Жетім балалар мен ата-анасының қамқорлығынсыз қалған балалар - 1859;
-«Алтын алқа», «Күміс алқа», алқаларымен наградталған немес бұрын «Батыр ана» атағын алған, сондай ақ 1 және 2 дәрежелі «Ана даңқы» орденімен наградталған көпбалалы аналар, көпбалалы отбасылар - 9850;
-Халықтың әлеуметтік жағынан әлсіз топтары - 14006;
-Мемлекеттік қызметшілер, бюджеттік ұйымдардың қызметкерлері, әскери қызметшілер және мемлекеттік сайланбалы қызмет атқаратын адамдар -10265;
-Жалғыз тұрғын үйі Қазақстан Республикасының заңнамасында белгіленген тәртіппен авариялық жағдайда деп танылған азаматтар – 700.