Мемлекеттік-жекешелік әріптестік жобалары туралы
Мемлекеттік-жекешелік әріптестік (одан әрі - МЖӘ) аясында облыста 63 МЖӘ жобасының 33 жобалары бойынша келісім-шарттың мерзімі аяқталды. Қалған 30 жоба іске асу сатысында.
Оның ішінде:
спорт саласында – 20 жоба;
денсаулық сақтау саласында – 4 жоба;
білім саласында – 5 жоба;
ақпараттық технологиялар саласында – 1 жоба;
Қазіргі таңда, «Қызылорда қаласындағы жол және қоғамдық қауіпсіздіктің зияткерлік жүйесімен тіркелген деректерді беру жөніндегі қызметтер» жобасын іске асыру жоспарлануда. Жоба аясында Қызылорда қаласында 1400 бейнебақылау камераларын, 58 сызықтық бөлім аппараттық-бағдарламалық кешені және 19 қиылыс аппараттық-бағдарламалық кешенін орнату жоспарлануда.
Қазіргі таңда МЖӘ жобасының конкурстық құжаттамаға сараптама жүргізу сатысында.
Сонымен қатар, «Қызылорда қаласындағы көшелерді жарықтандыруды модернизациялау және пайдалану» МЖӘ жобасының конкурстық құжаттамасына сараптаманың оң қорытындысы алында.
Қазіргі таңда бюджеттік бағдарлама әкімшісі тарапынан жеке әріптесті айқындау бойынша конкурстық үрдістер жүргізілуде.
Сонымен қатар, жаңадан “Қызылорданың жасыл белдеуі”, “Қызылорда облысындағы мектеп-интернаттардағы асханаларды жаңғырту және пайдалану” және “Қызылорда облысы Қызылорда қаласының аумағын көгалдандыру және абаттандыру” МЖӘ жобалары бойынша инвестициялық ұсыныс түсті. Бүгінгі таңда жобалар тиісті уәкілетті органдар қарауында.