Қызылорда облысында бүгінгі таңда психологиялық-медициналық-педагогикалық консультациялардың есебінде ерекше білім беру қажеттіліктері бар 10 мыңға жуық бала тіркелген.
Облыста 23 арнайы білім беру ұйымы жұмыс жасайды (6 психологиялық-медициналық-педагогикалық консультация (ПМПК), 9 психологиялық-педагогикалық түзету кабинеті (ППТК), 3 арнайы мектеп-интернат, 1 арнайы балабақша, 3 оңалту орталығы, 1 аутизм орталығы).
«Қазақстан Республикасында мектепке дейінгі, орта, техникалық және кәсіптік білім беруді дамытудың 2023 – 2029 жылдарға арналған тұжырымдамасын бекіту туралы» тұжырымдамасының индикаторларына сәйкес инклюзивті білім беру үшін жағдай жасау көрсеткіші мектепке дейінгі ұйымдарында 93,9 % (жоспар 80%) (барлық мем. мектепке дейінгі білім беру ұйымдары 165/155-де жағдай жасалған), жалпы білім беретін мектептерде 99,3% (жоспар 95 %) (барлық мем. орта білім беру ұйымдарының 301/300-де жағдай жасалған), ТжКББ үлесі 100 % (жоспар 90%) (барлық мем. техникалық білім беру ұйымдарының 17/17-де) құрайды.
«Қазақстан Республикасындағы инклюзивті саясаттың 2025-2030 жылдарға арналған тұжырымдамасын бекіту туралы» тұжырымдамасының индикаторларына сәйкес, мектепке дейінгі білім беру ұйымдарында 35,8 % (жоспар 30%) (123/44), жалпы білім беретін мектептерде 73,4 % (жоспар 40 %) (267/196), колледж 46,7 % (жоспар 30 %) (15/7) құрайды.
Жалпы орта білім беретін мектептерде 628 арнайы маман қызмет көрсетеді. Ерекше білім беру қажеттіліктері бар балаларды қолдау мақсатында мектептерде 190 инклюзивтік қолдау кабинеттері жұмыс жасап, 494 педагог-ассистент қызмет атқаруда.
8 мектепте инклюзивтік ресурстық орталықтар ашылды.
2025-2029 жылдары тағы 14 инклюзивтік кабинет ашу жоспарланды.