Қазіргі уақытта облыста 28 техникалық және кәсіптік, орта білімнен кейінгі білім беру ұйымы жұмыс жасайды (білім басқармасына қарасты 15 мемлекеттік, жекеменшік - 11, денсаулық сақтау басқармасына қарасты - 1, спорт басқармасына қарасты - 1).
Мамандарды 10 бағыт, 87 мамандық пен 153 біліктілік бойынша даярлау жүргізіледі (ауылшаруашылығы, тау - кен, техникалық, технологиялық, білім, өнер, денсаулық, қызмет көрсету, IT салалары).
Облыс колледждерінде 21 669 студент оқиды, оның ішінде 15 201 студент немесе 70,2% мемлекеттік тапсырыс бойынша білім алады.
21 колледжде жобалық қуаты 2 019 орындық 21 жатақхана жұмыс істейді (12-і мемлекеттік колледждерге тиесілі және 9-ы жекеменшік).
2025 жылы жергілікті бюджеттен бөлінген 274,6 млн тг қаржыға 3 колледждің (М.Мәметова атындағы Қызылорда педагогикалық жоғары колледжі – 135,0 млн тг, И.Әбдікәрімов атындағы Қызылорда политехникалық жоғары колледжі – 112,74 млн тг, М.Ықсанов атындағы Қызылорда техникалық – IT жоғары колледжі – 26,9 млн тг.) материалдық-техникалық базасы жаңартылды.
Сонымен қатар, демеушілік және инвесторлар есебінен 89,0 млн теңге (Исатай Әбдікәрімов атындағы Қызылорда политехникалық жоғары колледжі – 54,0 млн тг (оқу кабинеттері), Арал индустриальды-техникалық колледжі - 15,0 млн тг (спорт алаңы), Шиелі индустриальды-аграрлы колледжі – 20,0 млн тг (бұрғылау агрегаты) қаржыға 3 колледждің оқу кабинеттері мен өндірістік шеберханалар қажетті жабдықтармен қамтамасыз етілді.