2023-2024 оқу жылына техникалық және кәсіптік, орта білімнен кейінгі білімі бар кадрларды даярлау үшін 4668 орынға мемлекеттік білім беру тапсырысы бөлінді.
Облыс әкімдігінің қаулысымен бекітілген комиссия өңірімізге қажетті сұранысқа ие мамандықтар бойынша 4668 орынға мемлекеттік білім беру тапсырысын нақтылап, оған қатысатын колледждер тізбесін нақтылады
Білім берудің ашықтығы мен қолжетімділігін қамтамасыз етуде Қазақстан Республикасы Оқу-ағарту министрлігі «ақша студентпен бірге жүреді» қағидаты негізінде мемлекеттік білім беру тапсырысын бөлудің жаңа тетігін әзірледі.
Осыған орай, оқуға қабылдау жаңа рәсімдер бойынша жүргізілді. Талапкер 4 оқу орны және 4 мамандықты таңдай отырып, автоматтандырылған жүйе бойынша колледжге тиісті құжаттарымен қоса өтініш береді.
Мемлекеттік тапсырыс бойынша оқуға конкурс аттестаттың міндетті және бейіндік пәндердің орташа балы бойынша өткізілді.
Жаңа жүйе бойынша қабылдау емтихандарын, конкурсты колледждер өздігінен өткізбейді. Қабылдау процесінің ашықтығын қамтамасыз ету үшін конкурсты автоматтандырылған жүйе анықтады.
Мемлекеттік білім беру тапсырысы бойынша 4668 орын толығымен игерілді.