Қазақстан Республикасы Сыбайлас жемқорлыққа қарсы іс-қимыл агенттігінің Қызылорда облысы бойынша департаменті мен облыстық білім басқармасының бірлескен «Жастар арасында сыбайлас жемқорлыққа қарсы мәдениетті қалыптастыру іс-шарасының 2024 жылға арналған кешенді жоспарына» сәйкес БҰЙЫРАМЫН:
- Барлық білім беру ұйымдарында ата-аналардан, оқушылардан ақша жинау фактілерін болдырмау жұмыстары күшейтілсін.
- Мектеп ғимаратын, сыныптар мен дәліздерді, мектеп жиһаздарын жөндеуге оқушылардың ата-аналарынан немесе заңды өкілдерінен демеушілік және қайырымдылық көмек ретінде қаражатты мәжбүрлеп жинауға тыйым салынсын.
- Осы бұйрықпен барлық педагогтар мен мектеп қызметкерлері, оқушылар және олардың ата-аналары немесе заңды өкілдері таныстырылсын.
- Осы бұйрықта қарастырылған мәселелерді білім бөлімінің басшылары бақылауда ұстасын.
- Осы бұйрықтың орындалуын бақылау басқарма басшысының орынбасары Б. Қалиға жүктелсін.
- Осы бұйрық қол қойылған күннен бастап күшіне енеді.
Басқарма басшысы А. Есжанов