Облыс бойынша ағымдағы жылы 183,1 мың гектарға ауыл шаруашылығы дақылдарын орналастыру межеленуде.
Анықтамалық: Оның ішінде:дәндi дақылдар 97,8 мың, майлы дақылдар 6,0 мың, мал азықтық дақылдар 61,6 мың, картоп, көкөнiс, бақша 17,7 мың гектарды құрайды.
Негізгі дақыл - күрiштің көлемі 88,2 мың гектар.
Қазіргі таңда облыстың ауыл шаруашылығы құрылымдары көктемгі дала жұмыстары мен егін егу жұмыстарына кірісті.
Бүгінгі күнге егілген егіс көлемі 21,2 мың гектар, оның ішінде: жаздық бидай - 3,7 мың (97,7%), жаздық арпа – 0,5 мың (96,0%), мақсары – 2,6 мың (46,7%), жаңа жоңышқа – 14,3 мың (76,6%) гектарды құрайды.
Егіске қажетті минералдық тыңайтқыштар мен тұқымдық материалдар толық қамтамасыз етілген.
Облысқа 2020 жылдың көктемгі егіс және дала жұмыстарын жүргізуге 14 мың тонна арзандатылған дизель отыны бөлінген болатын. Осыдан наурыз айына бөлінген 3250 тонна дизель отыны облысқа жеткізіліп, шаруашылықтарға әр литрі 178 теңгеден таратылуда.
Көктемгі дала жұмыстары белгіленген кестеге сәйкес жүргізілуде, айтарлықтай проблемалық мәселелер жоқ.