Статистикалық ақпаратқа сәйкес 2022 жылдың 1 ақпанына облыстан 3,9 млн. долларды құрайтын 9,7 мың тонна ауыл шаруашылығы өнімдері (күріш, балық өнімдері, бидай қалдығы, қамыс) экспортталып, өткен жылдың сәйкесті кезеңімен салыстырғанда 150,5 пайызды құрап отыр.
Өнімдер әлемнің 16 мемлекетіне экспортталуда.
Барлық экспортталған өнімнің 95,9 пайызын құрайтын облыстың негізгі дақылы - күріш өнімі, Ресей, Беларусь, Әзірбайжан, Өзбекстан, Моңғол мемлекеті, Тәжікстан, Украина, Түркмения, Грузия және Ирак мемлекеттеріне экспортталып отыр.
Есепті кезеңге 9,2 мың тонна күріш өнімі экспортталып, былтырғы жылмен салыстырғанда 154,8 пайызға артты.
Сонымен қатар, облыс бойынша Ресей,Польша, Литва, Германия және Австрия мемлекеттеріне 183,9 тонна балық, Германия, Дания және Нидерланды мемлекеттеріне 154,5 тонна қамыс және Ресейге 60,0 тонна бидай қалдығы жөнелтілді.