2021 жылы облыс бойынша 188,1 мың гектарға ауыл шаруашылығы дақылдары орналастырылды. Оның ішінде дәндi дақылдар 96,6 мың гектар, майлы дақылдар 6,7 мың гектар, мал азықтық дақылдар 66,4 мың гектар, картоп, көкөнiс, бақша 18,3 мың гектар.
Негізгі дақыл күрiштің көлемі 83,6 мың гектарды құрады.
Ағымдағы жылы орын алған су тапшылығына байланысты, күріш дақылының көлемі өткен жылмен салыстырғанда 5,9 мың гектарға дейін азайтылып, орнына суды аз қажет ететін егістікті әртараптандыру бағытындағы мал азықтық және майлы дақылдармен қатар картоп, көкөніс, бақша дақылдарының егіс көлемдері өткен жылмен салыстырғанда 9,8 мың гектарға дейін артып, жалпы егіс көлемі 3,9 мың гектарға көбейді.
Негізгі дақыл – күріштен орташа өнім 59,8 центнерден келіп, қамбаға 500 мың тонна астық құйылды.
Күріштен басқа 6,8 мың гектар күздік бидайдан 9,4 мың тн өнім жиналды. Сонымен бірге, жаздық бидайдың жиналған 4,4 мың гектарынан 4,4 мың тн өнім алынып және арпаның жиналған 411 гектарынан 332 тн өнім алынды.
Сол сияқты, егілген 596 га дәндік жүгеріден 2348 тн өнім алынды, 440 гектар тарыдан 1172,3 тонна өнім алынды, 71 гектар қант құмайынан 38 тонна өнім жиналып, мақсарының жиналған 6,5 мың гектарынан 6,6 мың тн өнім алынды, егілген 129 га соя, 70 гектар күнбағыс толық жиналып, соядан 252,5 тонна, күнбағыстан 141,6 тонна өнім алынды.
Сондай-ақ, 3806 гектар картоптан 65,9 мың тн өнім алынды, 6046 гектар көкөністен 119,8 мың тн өнім алынды және 8453 гектар бақшадан 203,3 мың тн өнім жиналды.
Мал азықтық дақылдардан барлығы 248,6 мың тонна жоңышқа шөбі жиналды.
Егін жинауға 1763 трактор, 849 комбайн, 476 жатка, 353 жүк көлігі және 825 трактор тіркемесі егін жинау науқанына қатысты.