Облыста межеленген ауыл шаруашылығы дақылдарын егу жұмыстары оңтайлы мерзімдерінде жүргізіліп, бүгінгі таңда толығымен аяқталды.
Жалпы егіс көлемі 187,6 мың гектарды құрап, өткен жылмен салыстырғанда 3,4 мың гектарға артық орналастырылды.
Оның ішінде дәнді дақылдар 95,7 мың гектар, майлы дақылдар
6,8 мың гектар, мал азықтық дақылдар 66,7 мың гектар, картоп, көкөніс және бақша дақылдары 18,4 мың гектарды құрап отыр.
Негізгі дақыл күріштің егілген көлемі 82,9 мың гектарды құрап, өткен жылмен салыстырғанда 6,6 мың гектарға қысқартылып, межеленген көлемнен 1 458 гектарға оңтайландырылып отыр.
Күріштің оңтайландырылған көлемінің орнына суды аз қажет ететін әртараптандыру бағытындағы көкөніс, бақша, майлы және мал азықтық дақылдарының көлемдері өткен жылмен салыстырғанда 11,1 мың гектарға артық орналастырылды.
Сонымен қатар, көктемгі дала жұмыстарын атқаруда облыстың шаруашылық құрылымдары қажетті жанар-жағармаймен, минералды тыңайтқыштармен, гербицидтермен, ауыл шаруашылығы техникаларымен және тұқымдық материалдармен толық қамтамасыз етілді.
Қазіргі таңда, ауылшаруашылығы дақылдарын агротехникалық талаптарға сай күтіп баптау жұмыстары жүргізілуде.