Облыс бойынша 2021 жылдың 1 сәуіріне 358,6 мың бас МІҚ, 752,8 мың бас қой мен ешкі, 1,6 мың бас шошқа, 167,2 мың бас жылқы, 53,9 мың бас түйе және 121,3 мың бас құс тіркелген. Мал басын былтырғы жылдың сәйкес кезеңімен салыстырғанда МІҚ-4,8%-ға, қой мен ешкі-5,9%-ға, жылқы 10,3%-ға, түйе 7,4%-ға, құс 6,0 %-ға көбейген.
Осы есепті кезеңде 8,6 мың тонна ет (тірі салмақта), 17,6 мың тонна сүт және 1,2 млн. дана жұмыртқа өндіріліп, 2020 жылдың сәйкес кезеңімен салыстырғанда ет өндірісі 3,4%-ға, сүт өндірісі 2,2%-ға, жұмыртқа өндірісі 28,3%-ға артқан.
2021 жылы «Сыбаға» бағдарламасының орындалуы
2021 жылы бағдарлама бойынша біздің облысқа 1000 бас шет елдік мүйізді ірі қара, 27500 бас қой малын сатып алу жоспары межеленген.
Осыдан бүгінгі күні 3 шаруашылық 326 бас МІҚ малын шетелден сатып әкелсе (32,6%), тағы да 5 шаруашылықтың 388 бас шет елдік мал алуға берген тапсырыстары қаржы институттарында сараптамадан өтуде.
Қой малын сатып алу бойынша бүгінгі таңға 4 шаруашылық 2 644 бас қой малдарының аналықтарын сатып алды (9,6%). Бұдан бөлек 11 шаруашылықтың 638 бас қой сатып алуға үшін несие рәсімдеуге берген құжаттары «Аграрлық несие корпорациясы» АҚ-да сараптамадан өтуде.
Негізінен қой сатып алу жұмыстары күз айларында (қозысын айырғаннан кейін) басталатын болады.
Облыс бойынша үстіміздегі жылы 10,0 мың бас бұқашықтарды 1 000 бастан жоғары мал бордақылау алаңдарына өткізу межеленген.
Осыдан бүгінгі күнге 4 025 бас бұқашықтар өткізіліп, жоспардың 40,0%-ын қамтып отыр.