Облыс бойынша 2020 жылдың 1 қарашасына 348,2 мың бас мүйізді ірі қара, 762,2 мың бас қой мен ешкі, 153,9 мың бас жылқы, 53,1 мың бас түйе, 1,7 мың бас шошқа, 123,5 мың бас құс өсірілуде.
Мал басын өткен жылдың тиісті кезеңімен салыстырғанда мүйізді ірі қара 4,4%-ға, қой мен ешкінің басы 8,1%-ға, жылқы 10,4%-ға, түйенің басы 5,3%-ға, құстың саны 1,5%-ға көбейді.
Есепті кезеңде облыс бойынша барлығы 30,0 мың тонна ет (тірі салмақта), 73,1 мың тонна сүт және 6,3 млн. дана жұмыртқа өндірілді.
Өткен жылдың тиісті кезеңімен салыстырғанда ет өндіру – 2,6%-ға,
сүт өндіру -2,6%-ға артқан.
Мемлекеттік қолдау
Асыл тұқымды мал шаруашылығын дамытуға, мал шаруашылығының өнімділігін және өнім сапасын арттыруды субсидиялауға 2020 жылға жергілікті бюджеттен 3396,8 млн. теңге қаржы бөлінді.
Осыдан қаржылық жоспарға сәйкес бүгінгі күнге 1 қарашаға 900 шаруашылыққа 2231,7 млн. теңге субсидия төленді.
Қазіргі таңға облыс бойынша 8835 бас асыл тұқымды мүйізді ірі қара, 78642 бас асыл тұқымды қой, 6882 бас асыл тұқымды жылқы және 3225 бас асыл тұқымды түйе тіркеліп, асыл тұқымды малдың үлес салмағы тиісінше МІҚ-2,6%, қой-16,7%, жылқы-4,7%, түйе-6,7%-ды құрады.