Ағымдағы жылы облыс бойынша барлығы 185,8 мың гектарға ауыл шаруашылығы дақылдарын орналастыру болжанып отыр. Оның ішінде дәндi дақылдар 89,7 мың гектар, майлы дақылдар 6,1 мың гектар, мал азықтық дақылдар 73,2 мың гектар, картоп, көкөнiс, бақша 16,8 мың гектар.
Көктемгі егісіне облыс бойынша 20,4 мың тонна күріш тұқымы құйылды. 2026 жылдың егісіне қажетті минералдық тыңайтқыштардың көлемі 65,6 мың тоннаны құрайды.
Бүгінгі күнге қажетті тыңайтқыштардың 68,3%-ы сатып алынды.
Сонымен қатар, 2026 жылдың егісіне 85,4 мың литр гербицид сатып алу жоспарланған.
2026 жылы 3975 бірлік ауыл шаруашылығы техникалары көктемгі дала жұмыстарына қатысу жоспарланған. Бүгінгі күнге техникаларды жөндеу, егін науқанына дайындау жұмыстары жүргізілді.
Ауыл шаруашылығы тауарын өндірушілері тарапынан келесі жылдың егіс жұмыстарына қажетті 21,7 мың тонна көлемінде арзандатылған дизель отынына өтінім берілді. Бүгінгі күні 2026 жылға мемлекет тарапынан бөлінген дизель отынын жеткізіп беруші операторларды айқындау жұмыстарының құжаттары әзірленуде.