Биылғы жылы өңірде 189,4 мың гектарға ауыл шаруашылығы дақылдары егілді.
Оның ішінде дәндi дақылдар 96,8 мың га, майлы дақылдар 4,8 мың га, мал азықтық дақылдар 70,2 мың га, картоп, көкөнiс, бақша 17,6 мың гектарға орналастырылса, Сырдың ақ күріші 85,6 мың гектар.
Мемлекет басшысының егістікті әртараптандыру тапсырмасына сәйкес, биыл 2,9 мың гектарға ауыл шаруашылығы дақылдары егілді.
Сондай-ақ, аймақта су үнемдейтін озық технологияларын енгізу көлемі 2023 жылы 872 гектар болса, биыл 4,4 мың гектарға жеткізілді.
Мемлекет тарапынан көрсетілген қолдаудың арқасында биылғы жылы диханшы қауымға су қажетті деңгейде жеткізілді.
Шаруашылықтар егін жинау жұмыстарына қажетті ауыл шаруашылығы техникалармен, жанар-жағармаймен, минералды тыңайтқыштармен толық қамтамасыз етілді.
Сондай-ақ, егін жинау науқанына жалпы 4400 ауыл шаруашылығы техникалары қатысты. Жаңадан 250 техника агропаркке қосылып, 5%-ға жаңаланды.
Сыр өңірінің диқандары күзге толағай табыспен жетті. Облыс күрішшілері 500 мың тоннаға жуық өнімді қамбаға құйып, күріштің әр гектарынан 58 центнерден өнім алды.
Бүгінгі күні күріштен басқа дәнді дақылдардан 18,5 мың тонна, майлы дақылдар 4,9 мың тонна,картоп, көкөніс,бақшадан 352,7 мың тонна, мал азықтық дақылдары 327 мың тонна өнім жиналды.